19 قاراشادا قازاقستاندا 158 ادامنان كوروناۆيرۋس پنەۆمونيياسى انىقتالدى, 55 ادام جازىلدى. ٶتكەن تەۋلٸكتە پنەۆمونييانىڭ بۇل تٷرٸنەن 1 ادام قايتىس بولدى.
قازاقستان بيلٸگٸ 1 تامىزدان باستاپ كوروناۆيرۋسقا ۇقساس پنەۆمونيياعا بٶلەك كود بەرٸپ, پنەۆمونييانىڭ سول تٷرٸنە شالدىققانداردى بٶلەك ەسەپتەپ كەلەدٸ. سودان بەرٸ 40 848 ادامنان كوروناۆيرۋس پنەۆمونيياسى انىقتالعان, 424 ادام قايتىس بولعان, 29 869 ادام جازىلعان.
ٶتكەن تەۋلٸكتە كوروناۆيرۋس جۇققانى تەستپەن دەلەلدەنگەن ناۋقاستار اراسىندا 6 ادام ٶلٸمٸ تٸركەلگەن. ناۋرىز ايىنان بەرٸ 1970 ادام كوروناۆيرۋستان قايتىس بولعان. 29 869 ادام جازىلعان.
قازٸر 10 435 ادام كوروناۆيرۋستان ەمدەلٸپ جاتىر, 481-ٸ - بالا. 3 088-ٸ - اۋرۋحانادا جاتىر. 220 ادامنىڭ جاعدايى - اۋىر, 26 ادامنىڭ جاعدايى - ٶتە اۋىر, 21 ادام جاساندى تىنىس الۋ اپپاراتىنا قوسىلعان.
ەلدە كوروناۆيرۋس ستاتيستيكاسىنا كٷمەن كەلتٸرەتٸندەر دە بار. تەۋەلسٸز زەرتتەۋ جٷرگٸزگەن ساندج زەرتتەۋ ۇيىمى "ەلدە ٷش ميلليوننان استام ادامعا ۆيرۋس جۇققان" دەپ سانايدى.
