17 qańtar kúni koronavirýs pen soǵan uqsas pnevmoniiadan 10 adamnyń qaitys bolǵany habarlandy: 8-i virýs juqtyrǵany PTR testimen rastalǵan naýqas bolsa, ekeýi diagnozy aýrý belgileri boiynsha qoiylǵan naýqas boldy. Koronavirýs juqqany testpen naqtylanǵan 1003 naýqas tirkelse, 17 adamǵa koronavirýs pnevmoniiasy diagnozy qoiylǵan. Densaýlyq saqtaý ministrliginiń 18 qańtar tańerteń taratqan málimdemesinde osyndai málimet kórsetilgen.
Ótken táýlikte PTR testi oń shyqqan naýqastar sany jóninen Pavlodar oblysy (155) alǵa shyqqan. Qalǵan oblystar men qalalardaǵy jaǵdai tómendegidei:
Nur-Sultan - 20 020 (+125 adam jańadan qosyldy)
Almaty qalasynda - 20 444 (+97),
Shyǵys Qazaqstan oblysynda - 19548 (+28),
Atyraý oblysynda - 14952 (+71),
Qaraǵandy oblysynda - 12782 (+62),
Batys Qazaqstan oblysynda - 9935 (+47),
Soltústik Qazaqstan oblysynda - 9562 (+55),
Qostanai oblysynda - 8671 (+74),
Aqmola oblysynda - 8341 (+99),
Almaty oblysynda - 8192 (+94),
Shymkent qalasynda - 5726 (+19),
Jambyl oblysynda - 5271 (+24),
Mańǵystaý oblysynda - 3886 (+17),
Túrkistan oblysynda - 3889(+10),
Aqtóbe oblysynda - 3819 (+21),
Qyzylorda oblysynda - 3488 (+5).
Naýryz aiynan beri koronavirýs juqqany testpen rastalǵan naýqastar 169 099 adamǵa jetken.
Qazaqstan úkimeti indet bastalǵaly tek PTR testi oń shyqqan adamdardy ǵana koronavirýs statistikasyna qosyp keledi. Alaida bilik 1 tamyzdan bastap PTR testi oń nátije bermegen, biraq aýrý belgileri boiynsha koronavirýsqa uqsaityn pnevmoniia esebin de júrgize bastady. Sodan beri 46 848 adam koronavirýs pnevmoniiasyna shaldyqqan dep aitylady.
Virýs juqtyrǵany PTR testimen anyqtalǵan naýqastar arasynda barlyǵy 2416 adam qaitys bolǵan. Bul statistikaǵa koronavirýs juqtyrǵany rastalǵan, biraq "ilespe aýrýdan qaitys boldy" degen júzdegen adam kirmei qalǵan. Al koronavirýs pnevmoniiasy naýqastary arasynda 1 tamyzdan beri 540 adam kóz jumǵan.
Densaýlyq saqtaý ministrliginiń dereginshe, 1 qańtar men 2 tamyz aralyǵynda pnevmoniiamen 256 541 naýqas tirkelgen, bul ótken jyldyń jeti ailyq kórsetkishinen 3,3 ese kóp bolǵan.
18 qańtardaǵy málimet boiynsha, 24 875 adam koronovirýs infektsiiasynan (13 180 KVI+ jáne 11 695 KVI-) emdelip jatyr. Olardyń ishinde 6 570 patsient - statsionarda, 18 305 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
• 294 adamnyń jaǵdaiy aýyr;
• 60 patsienttiń jaǵdaiy óte aýyr;
• 40 naýqas ÓJJ apparatynda jatyr.
