Qazaqstanda 19 qańtarda PTR testi oń shyqqan 1 134 adam tirkeldi. 118 adamǵa koronavirýs pnevmoniiasy diagnozy qoiylǵan. Bul týraly densaýlyq saqtaý ministrliginiń 20 qańtar kúngi habarlamasynda jazylǵan. Ótken táýlikte 11 adam ólimi tirkelgen: 8 naýqas - koronavirýstan, 3 adam koronavirýs pnevmoniiasynan qaitys bolǵany habarlandy.
Densaýlyq saqtaý ministrliginiń málimetinshe, Qazaqstanda naýryz aiynan beri 171 232 adamnyń PTR testi oń shyqqan. 155 394 adam jazylǵan. 2 431 adam koronavirýs qaitys bolǵan.
Qazaqstan biligi 1 tamyzdan beri pnevmoniianyń Covid-ke uqsas túrine jeke kod berip, bólek tirkep keledi. Sodan beri 46 984 adam koronavirýs pnevmoniiasyna shaldyqqan. 545 adam qaitys bolǵan. 34 805 adam jazylǵan.
Aimaqtaǵy pnevmoniia ahýalyna bailanysty statistikany bilik óte sirek jariialaidy. Biraq PTR testi oń shyqqan naýqastar týraly kún saiynǵy málimet indettiń barlyq aimaqta órshigenin kórsetedi. 19 qańtarda Nur-Sultanda 198 adamǵa koronavirýs juqqany arnaiy testpen dáleldengen. Pavlodar oblysynda 151 adamǵa virýs juqqany rastalǵan. Almaty men Aqmola oblystarynda 112 jáne 108 naýqas anyqtalǵan.
Almaty oblysynda - 92, Soltústik Qazaqstan oblysynda - 76, Atyraý oblysynda - 74, Qaraǵandy oblysynda - 72, Qostanai oblysynda - 68, Batys Qazaqstan oblysynda - 45, Shyǵys Qazaqstan oblysynda - 43, Túrkistan oblysynda - 22, Jambyl oblysynda - 21, Aqtóbe oblysynda - 18, Mańǵystaý oblysynda - 17, Shymkentte - 10, Qyzylordada 7 naýqas tirkelgen.
Qazaqstanda koronavirýs juqtyrǵandardyń kóbeiýine bailanysty osy aptada jekelegen aimaqtarda karantin kúsheidi. Birqatar oblysta bilik sanitar dárigerdiń qaýlysyna súiene otyryp, blokpost qoiǵan. Densaýlyq saqtaý ministrligi virýstyń kúsheiýin "halyqtyń profilaktika erejelerin saqtamaýymen" bailanystyrady.
Djons Hopkins ýniversitetiniń málimetinshe, álemde koronavirýs juqtyrǵandar 96,1 mln adamǵa jetken. 53 mln adam jazylǵan. 2 millionnan astam adam qaitys bolǵan.
20 qańtardaǵy málimetter boiynsha Qazaqstanda 25 038 adam koronovirýs infektsiiasynan (13 404 KVI+ jáne 11 643 KVI-) emdelip jatyr.
Olardyń arasynda 6 522 patsient - statsionarda, 18 516 naýqas ambýlatoriialyq jaǵdaida em qabyldaýda.
KVI+, KVI- shaldyqqandardyń arasynda:
• 307 adamnyń jaǵdaiy aýyr;
• 61 patsienttiń jaǵdaiy óte aýyr;
• 34 naýqas jasandy tynys alý apparatynda jatyr.
