8 qańtar kúni Qazaqstanda PTR testimen rastalǵan koronavirýspen 843 naýqas, tórt ólim, PTR testimen rastalmaǵan koronavirýs pnevmoniiasymen 28 naýqas, úsh ólim tirkeldi.
PTR testimen rastalǵan koronavirýstyń táýlik deregi boiynsha, aimaqtar arasynda Almaty qalasy birinshi orynda. Qalada bir kúnde 135 naýqas tirkelgen. Bul – qyrkúiekten bergi eń joǵary kórsetkish. Qalada virýs juqtyrǵany rastalǵandar sany osymen 19,4 myńǵa jetip otyr. Onyń 17,8 myńy jazylyp shyqqan, 398-i qaitys bolǵan.
Bir kún ishinde tirkelgen Covid naýqastarynyń júzden asqan aimaqtardyń qatarynda Pavlodar oblysy da bar. Onda ótken táýlikte 114 naýqas anyqtalǵan. Oblysta qarasha aiynyń sońynda kún saiyn osyǵan shamalar naýqas tirkelip, keiinnen kórsetkish azdap tómendegen. Oblysta barlyǵy 9779 adamnyń koronavirýs juqtyrǵany rastalyp otyr. Onyń 8390-y jazylyp shyqqan, 87-si qaitys bolǵan.
Qalǵan aimaqtar boiynsha jaǵdai mynadai:
Shyǵys Qazaqstan oblysynda - 19219 (+47),
Nur-Sultan qalasynda -19159 (+70),
Atyraý oblysynda – 14265 (+92),
Qaraǵandy oblysynda – 12371 (+38),
Pavlodar oblysynda – 9779 (+114),
Batys Qazaqstan oblysynda – 9531 (+49),
Soltústik Qazaqstan oblysynda – 9079 (+55),
Qostanai oblysynda – 8041 (+64),
Aqmola oblysynda – 7716 (+58),
Almaty oblysynda – 7531 (+55),
Shymkent qalasynda -5570 (+15),
Jambyl oblysynda – 5112 (+18),
Mańǵystaý oblysynda – 3790 (+11),
Aqtóbe oblysynda -3744 (+3),
Túrkistan oblysynda – 3750 (+13),
Qyzylorda oblysynda -3435 (+6).
Ótken táýlikte PTR testimen rastalǵan koronavirýs naýqastarynyń 751-i jazylyp shyqty. Osymen 13 naýryzdan beri Qazaqstanda koronavirýs infektsiiasyn juqtyrǵany rastalǵandar sany 161,5 myńǵa, aýrýdan jazylǵandar 148,3 myńǵa jetti, 2319 adam qaitys boldy. Virýs juqtyrǵany rastalǵan biraq Covid ólimi jónindegi ulttyq statistikaǵa qosylmaǵan júzdegen adam bar. Bilik olardy "ilespe aýrýdan qaitys boldy" dep sanaidy.
Esebi 1 tamyzdan beri júrgizilip kele jatqan koronavirýs pnevmoniiasynyń deregi aimaq boiynsha jariialanbaidy.
Tamyzdyń basynan beri pnevmoniianyń bul túri 46,2 myń adamnan anyqtalyp, onyń 33,6 myńy jazylǵan, 522-si qaitys bolǵan.
9 qańtardaǵy málimet boiynsha, 22 830 adam koronovirýs infektsiiasynan (10 874 KVI+ jáne 11 956 KVI-) emdelip jatyr.
Onyń ishinde 5 383 patsient - statsionarda, 17 447 naýqas ambýlatoriialyq deńgeide em qabyldaýda.
Koronavirýsqa shaldyqqandar arasynda:
• 283 adamnyń jaǵdaiy aýyr;
• 49 patsienttiń jaǵdaiy óte aýyr;
• 46 naýqas ÓJJ apparatynda jatyr.
