Qazaqstanda koronavirýs infektsiiasyna shaldyǵý jaǵdaiy artqan kezde engizilýi múmkin shekteý nusqalary qarastyrylyp jatyr. Bul týraly DSM Infektsiialyq aýrýlardy epidemologiialyq baqylaý basqarmasynyń basshysy Roza Qojapova aitty, dep habarlaidy QazAqparat.
Ortalyq kommýnikatsiialar qyzmetindegi baspasóz máslihatynda ol toi jáne basqa da buqaralyq is-sharalardy ótkizýge tyiym salý múmkindigine qatysty saýalǵa jaýap berdi.
«Búginde «sary» aimaqqa mundai shekteýler engizý qarastyrylmaǵan. Degenmen, «qyzyl» aimaqqa ótken jaǵdaida shekteýdi eki kezeńmen engizý kózdeledi. Biraq, bul is-sharany qazirgi ýaqytta «Atameken» palatasymen talqylap jatyrmyz», - dedi basqarma basshysy.
Onyń atap ótýinshe, barlyq sheshim vedomstvoaralyq komissiiada kelisilgennen keiin ǵana qabyldanatyn bolady.
«Búginde «sary» aimaqta toi jáne basqa da is-sharalardy ótkizýge shekteý engizý qarastyrylyp otyrǵan joq», - dedi Roza Qojapova.
