Oralda oblystyq juqpaly aýrýlar aýrýhanasynda jatqan bir adamnyń jaǵdaiy aýyr, dep habarlaidy "Ult aqparat".
Oblystyq densaýlyq saqtaý basqarmasynyń basshysy Bolatbek Qaiýpovtyń brifingte málim etkenindei, áiel qazirgi kezde jansaqtaý bóliminde jatqanymen, birte-birte aýrýynan aiyǵyp keledi.
«Sońǵy eki-úsh kúnde qyzýy baiqalmaidy. Taiaýda palataǵa aýystyrylady dep otyrmyz», dedi B.Kaiýpov.
Oblysta barlyǵy 120 adam tirkelse, sonyń jeteýi jazylyp shyqty. 113 adam emdelýde. Sonyń ishinde 79-ynda aýrý jeńil túrde ótýde. 33-iniń jaǵdaiy ortasha aýyr. Sonyń tórteýine pnevmoniia diagnozy qoiylǵan, tynys alýynda jetimsizdik jáne qyzýy bar.
«Tótenshe jaǵdai kezinde qaýipti keselge shaldyqqan adamdardy der kezinde anyqtap, jedel emdeýdiń mańyzy zor. Kúni búginge deiin ózge óńirlerden kelgen 16 myń adam monitoringiden ótkizildi. 1500-den astam adam provizorlyq jáne karantindik statsionarlarda jatyp shyqty. 5 myńnan astam zerthanalyq synamalar alyndy. Osyǵan orai aldyńǵy shepte júrgen meditsina qyzmetkerleriniń kásibi ári qaýyrt qyzmet atqaryp jatqanyn atap ótkim keledi», dedi B.Qaiýpov.
