Qyzylorda, Mańǵystaý jáne Qaraǵandy, Pavlodar oblystarynda anyqtalǵan koronavirýs indetiniń jańa jaǵdailary týraly aityldy, dep habarlaidy "Ult aqparat".
16 sáýir, saǵat 10.10-daǵy jaǵdai boiynsha, Qazaqstanda indetke shaldyqqandar sany 1331-ge jetti. Onyń ishinde Qyzylorda oblysynda – 4, Mańǵystaý oblysynda – 1, jáne Qaraǵandy oblysynda - 2, Pavlodar oblysynda 2 jaǵdai tirkeldi.
Qyzylorda oblysynda 4 naýqastyń barlyǵy óńir ortalyǵynda anyqtaldy.
«Aýrý juqtyrǵandardyń ekeýi 40 jastan asqan áiel adamdar, qalǵan ekeýi 24 jáne 54 jastaǵy er adamdar. Olardyń barlyǵy koronavirýsqa shaldyqqan adamdarmen bailanysta bolǵan. Synamalar alynyp, PTR diagnostikalyq zertteý nátijeleri boiynsha COVID-19 diagnozy rastaldy. Qazirgi tańda naýqastarmen qarym-qatynasta bolǵan adamdar anyqtalýda. Olar der kezinde meditsinalyq baqylaýǵa alynyp, oqshaýlanyp, tekseristen ótip jatyr», - delingen Memlekettik komissiianyń shuǵyl shtabynyń aqparatynda.
Sońǵy málimetter boiynsha, Qyzylorda oblysynda indetke shaldyqqandardyń jalpy sany 131-ge jetti. 4 adam jazylyp shyqty, 127-si em-dom qabyldaýda.
Mańǵystaý oblysynda COVID-19 Jańaózen qalasynyń 18 jastaǵy turǵynynan anyqtaldy.
«Ol koronavirýs infektsiiasyn juqtyrǵan adammen qarym-qatynasta bolýyna bailanysty karantindik statsionarǵa jatqyzylǵan bolatyn. PTR diagnostikalyq zertteý qorytyndysymen COVID-19 diagnozy naqtylandy. Naýqastyń jaǵdaiy qanaǵattanarlyq. Bekitilgen hattamaǵa sáikes tiisti em júrgizilýde. Onymen qarym-qatynasta bolǵan adamdar anyqtalyp, barlyǵy meditsinalyq baqylaýǵa alynýda. Aýrý oshaqtarynda epidzertteý jumystary, dezinfektsiialyq jumystar júrgizilýde», - delingen aqparatta.
Sońǵy derekter boiynsha, Mańǵystaý oblysynda infektsiia barlyǵy 12 adamnan anyqtaldy. Onyń ishinde 1-eýi jazylyp shyqty.
Qaraǵandy oblysynda koronavirýs infektsiiasyn taǵy 2 adam juqtyrǵany belgili boldy. 47 jastaǵy áiel jáne 10 jasar bala Temirtaý qalasynyń turǵyndary. Buǵan deiin naýqas adammen jaqyn bailanysta bolǵan.
Pavlodar oblysynda indet 24 jáne 62 jastaǵy Pavlodar turǵyndarynan anyqtaldy. «Olar koronavirýs infektsiiasy rastalǵan patsientpen bailanysta bolǵan adamdar retinde karantindik statsionarǵa buǵan deiin jatqyzylǵan edi. Eki patsient de Meltser boksyna aýystyryldy. Bailanystaǵy adamdardyń sheńberi anyqtalady, olardy oqshaýlaý boiynsha jumystar júrgiziledi. Epidemiiaǵa qarsy is-sharalar jalǵasýda», - delingen coronavirus2020.kz Telegram kanalynda.
