Koronavirýspen aýyrǵan naýqastar emotsionaldy qiyndyqtarǵa ushyraýy múmkin. Bul týraly Almaty qalalyq №4 qalalyq emhanasynyń reabilitology Aigúl Soltanbek aitty, dep habarlaidy QazAqparat.
Aigúl Soltanbektiń aitýynsha, aýrýdyń aldyn alý óte mańyzdy jáne bul úshin maska rejimin saqtaý qajet. Azamattar halyq kóp jinalatyn jerlerde maska kiip, olardy durys kiiýdi ádetke ainaldyrýy qajet.
Sonymen qatar, ol aýrýǵa shaldyqqandardyń barlyǵy ońaltýdan ótýleri tiis ekenin tilge tiek etti. Tipti, dert jeńil ótse de.
«Jalpy alǵanda, ár naýqas saýyǵyp ketýi múmkin, bul úkim emes. Biz koronavirýstyń ókpe men júrek-qan tamyr júiesine áser etetinin jii baiqaimyz. Sondyqtan ońaltý emdelý kezeńinde bastalady jáne shyǵarylǵannan keiin jalǵasady – emhanada nemese úide. Ońaltýdyń qarsy kórsetilimderi bar, sondyqtan ár naýqas úshin naqty sharalardy emdeýshi dáriger anyqtaidy. Siz aýyr aýrýdan keiin de saýyǵyp kete alasyz», - dedi dáriger.
Aigúl Soltanbek naýqastadyń ókpesi 10% ǵana zaqymdalǵanymen, derttiń aýyr bolýy múmkin ekenin atap ótti.
«Dárigerler ókpeniń zaqymdaný dárejesine emes, aǵzanyń rezervine nazar aýdarady. Biz ókpeniń ǵana emes, basqa músheler men júielerdiń zaqymdalýyn da emdeimiz», - dep tolyqtyrdy reabilitolog.
Koronavirýs infektsiiasynan keiin naýqastarda pnevmoskleroz men ókpe fibrozy qaýpi joǵary bolady.
«Bizdiń emhana emdelýdiń úshinshi kezeńimen ainalysady, bul ókpeniń qalpyna kelý kezeńi. Saý kúide olar serpindi jáne dem alatyn bolýy kerek, al fibroz kezinde tyrtyqtar paida bolady, sondyqtan reabilitolog dárigerler jeke em taǵaiyndaidy», - dedi ol.
Ókpeniń jumysyn jaqsartý jáne qandaǵy otteginiń qanyqtylyǵyn kóterý úshin emhanada tynys alý keshenderi men deneshynyqtyrýdyń arnaiy baǵdarlamalary jasaldy.
Reabilitolog dáriger Almaty turǵyndaryn vaktsinalaýǵa shaqyrdy.
«Vaktsinalanǵan adamnyń aýrýy áldeqaida jeńil. Mundai naýqastardyń immýndyq júiesi jumylýǵa qabiletti jáne tezirek saýyǵýǵa yqpal etedi. Vaktsinalar immýnitetti tómendetpeitinin, kerisinshe ony kóteretinin bilgen jón. V tobyndaǵy vitaminder men aminqyshqyldar da deneni qalpyna keltirýge kómektesedi», - dedi spiker.
