كوروناۆيرۋسپەن اۋىرعان ناۋقاستار ەموتسيونالدى قيىندىقتارعا ۇشىراۋى مٷمكٸن. بۇل تۋرالى الماتى قالالىق №4 قالالىق ەمحاناسىنىڭ رەابيليتولوگى ايگٷل سولتانبەك ايتتى, دەپ حابارلايدى قازاقپارات.
ايگٷل سولتانبەكتٸڭ ايتۋىنشا, اۋرۋدىڭ الدىن الۋ ٶتە ماڭىزدى جەنە بۇل ٷشٸن ماسكا رەجيمٸن ساقتاۋ قاجەت. ازاماتتار حالىق كٶپ جينالاتىن جەرلەردە ماسكا كيٸپ, ولاردى دۇرىس كييۋدٸ ەدەتكە اينالدىرۋى قاجەت.
سونىمەن قاتار, ول اۋرۋعا شالدىققانداردىڭ بارلىعى وڭالتۋدان ٶتۋلەرٸ تيٸس ەكەنٸن تٸلگە تيەك ەتتٸ. تٸپتٸ, دەرت جەڭٸل ٶتسە دە.
«جالپى العاندا, ەر ناۋقاس ساۋىعىپ كەتۋٸ مٷمكٸن, بۇل ٷكٸم ەمەس. بٸز كوروناۆيرۋستىڭ ٶكپە مەن جٷرەك-قان تامىر جٷيەسٸنە ەسەر ەتەتٸنٸن جيٸ بايقايمىز. سوندىقتان وڭالتۋ ەمدەلۋ كەزەڭٸندە باستالادى جەنە شىعارىلعاننان كەيٸن جالعاسادى – ەمحانادا نەمەسە ٷيدە. وڭالتۋدىڭ قارسى كٶرسەتٸلٸمدەرٸ بار, سوندىقتان ەر ناۋقاس ٷشٸن ناقتى شارالاردى ەمدەۋشٸ دەرٸگەر انىقتايدى. سٸز اۋىر اۋرۋدان كەيٸن دە ساۋىعىپ كەتە الاسىز», - دەدٸ دەرٸگەر.
ايگٷل سولتانبەك ناۋقاستادىڭ ٶكپەسٸ 10% عانا زاقىمدالعانىمەن, دەرتتٸڭ اۋىر بولۋى مٷمكٸن ەكەنٸن اتاپ ٶتتٸ.
«دەرٸگەرلەر ٶكپەنٸڭ زاقىمدانۋ دەرەجەسٸنە ەمەس, اعزانىڭ رەزەرۆٸنە نازار اۋدارادى. بٸز ٶكپەنٸڭ عانا ەمەس, باسقا مٷشەلەر مەن جٷيەلەردٸڭ زاقىمدالۋىن دا ەمدەيمٸز», - دەپ تولىقتىردى رەابيليتولوگ.
كوروناۆيرۋس ينفەكتسيياسىنان كەيٸن ناۋقاستاردا پنەۆموسكلەروز مەن ٶكپە فيبروزى قاۋپٸ جوعارى بولادى.
«بٸزدٸڭ ەمحانا ەمدەلۋدٸڭ ٷشٸنشٸ كەزەڭٸمەن اينالىسادى, بۇل ٶكپەنٸڭ قالپىنا كەلۋ كەزەڭٸ. ساۋ كٷيدە ولار سەرپٸندٸ جەنە دەم الاتىن بولۋى كەرەك, ال فيبروز كەزٸندە تىرتىقتار پايدا بولادى, سوندىقتان رەابيليتولوگ دەرٸگەرلەر جەكە ەم تاعايىندايدى», - دەدٸ ول.
ٶكپەنٸڭ جۇمىسىن جاقسارتۋ جەنە قانداعى وتتەگٸنٸڭ قانىقتىلىعىن كٶتەرۋ ٷشٸن ەمحانادا تىنىس الۋ كەشەندەرٸ مەن دەنەشىنىقتىرۋدىڭ ارنايى باعدارلامالارى جاسالدى.
رەابيليتولوگ دەرٸگەر الماتى تۇرعىندارىن ۆاكتسينالاۋعا شاقىردى.
«ۆاكتسينالانعان ادامنىڭ اۋرۋى ەلدەقايدا جەڭٸل. مۇنداي ناۋقاستاردىڭ يممۋندىق جٷيەسٸ جۇمىلۋعا قابٸلەتتٸ جەنە تەزٸرەك ساۋىعۋعا ىقپال ەتەدٸ. ۆاكتسينالار يممۋنيتەتتٸ تٶمەندەتپەيتٸنٸن, كەرٸسٸنشە ونى كٶتەرەتٸنٸن بٸلگەن جٶن. ۆ توبىنداعى ۆيتاميندەر مەن امينقىشقىلدار دا دەنەنٸ قالپىنا كەلتٸرۋگە كٶمەكتەسەدٸ», - دەدٸ سپيكەر.
