Nur-Sultanda koronavirýs infektsiiasyn juqtyrǵandar sany úsh esege artty, 50 naýqas jasandy ókpe jeldetý apparatyna qosylǵan, dep habarlaidy QazAqparat.
Bul týraly Nur-Sultan qalasy qoǵamdyq densaýlyq saqtaý basqarmasynyń basshysy Sáýle Qisyqova málimdedi.
«Búginde qalada 3 348 koronavirýs infektsiiasy aýrýy tirkeldi, onyń ishinde ótken aptada 587 jaǵdai tirkeldi. Bul kórsetkish aldyńǵy aptaǵa qaraǵanda 21 paiyzǵa kóbeidi. Kúndelikti ósim – 3 paiyz, 2 291 naýqas jazylyp shyqty», - dedi spiker Ortalyq kommýnikatsiialar qyzmetinde ótken onlain brifingte.
Búgingi kúni aýrýhanada 2 610 naýqas jatyr, bul – aldyńǵy aptamen salystyrǵanda úsh ese kóp. Onyń ishinde pnevoniiamen aýyratyndar sany – 92 paiyzdy quraidy.
«Búginde aýrýhanadaǵy 126 naýqastyń jaǵdaiy turaqty, 50 naýqas nemese 40 paiyzy ókpeni jasandy jeldetý apparatyna qosylǵan. 12 maýsymnan bastap, meditsinalyq uiymdardaǵy tósek-oryn sany qaita qarastyrý arqyly 825-ke deiin jetkizildi. Sonymen tósek-oryn 53 paiyzǵa deiin ulǵaityldy», - dedi Sáýle Qisyqova.
