نۇر-سۇلتاندا كوروناۆيرۋس ينفەكتسيياسىن جۇقتىرعاندار سانى ٷش ەسەگە ارتتى, 50 ناۋقاس جاساندى ٶكپە جەلدەتۋ اپپاراتىنا قوسىلعان, دەپ حابارلايدى قازاقپارات.
بۇل تۋرالى نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى سەۋلە قيسىقوۆا مەلٸمدەدٸ.
«بٷگٸندە قالادا 3 348 كوروناۆيرۋس ينفەكتسيياسى اۋرۋى تٸركەلدٸ, ونىڭ ٸشٸندە ٶتكەن اپتادا 587 جاعداي تٸركەلدٸ. بۇل كٶرسەتكٸش الدىڭعى اپتاعا قاراعاندا 21 پايىزعا كٶبەيدٸ. كٷندەلٸكتٸ ٶسٸم – 3 پايىز, 2 291 ناۋقاس جازىلىپ شىقتى», - دەدٸ سپيكەر ورتالىق كوممۋنيكاتسييالار قىزمەتٸندە ٶتكەن ونلاين بريفينگتە.
بٷگٸنگٸ كٷنٸ اۋرۋحانادا 2 610 ناۋقاس جاتىر, بۇل – الدىڭعى اپتامەن سالىستىرعاندا ٷش ەسە كٶپ. ونىڭ ٸشٸندە پنەۆونييامەن اۋىراتىندار سانى – 92 پايىزدى قۇرايدى.
«بٷگٸندە اۋرۋحاناداعى 126 ناۋقاستىڭ جاعدايى تۇراقتى, 50 ناۋقاس نەمەسە 40 پايىزى ٶكپەنٸ جاساندى جەلدەتۋ اپپاراتىنا قوسىلعان. 12 ماۋسىمنان باستاپ, مەديتسينالىق ۇيىمدارداعى تٶسەك-ورىن سانى قايتا قاراستىرۋ ارقىلى 825-كە دەيٸن جەتكٸزٸلدٸ. سونىمەن تٶسەك-ورىن 53 پايىزعا دەيٸن ۇلعايتىلدى», - دەدٸ سەۋلە قيسىقوۆا.
