Qazaqstannyń úsh óńiri koronavirýstyń taralý qaýpi boiynsha «qyzyl» aimaqqa endi, dep habarlaidy "Ult aqparat".
El óńirlerindegi epidemiologiialyq ahýaldy baǵalaý matritsasyna sáikes, 16 qańtar kúni «qyzyl» aimaqqa Nur-Sultan qalasy, Aqmola jáne Qostanai oblystary engizildi.
«Sary» aimaqta Almaty qalasy, Atyraý, Batys Qazaqstan, Soltústik Qazaqstan jáne Pavlodar oblystary tur.
Qalǵan óńirler - «jasyl» aimaqta.
Eske salaiyq, keshe elordanyń Bas memlekettik sanitarlyq dárigeriniń jańa Qaýlysy shyqty. Oǵan sáikes, qalada karantin talaptary qaita kúsheitildi. Demalys kúnderi oiyn-saýyq mekemeleri jumysyn toqtatady. Sondai-aq senbi-jeksenbide qoǵamdyq kólik qatynamaidy. Budan bólek, pravoslav hristiandarynyń Shoqyný merekesine orai jappai sýǵa shomylýǵa tyiym salyndy.
Ótken bár táýlikte Qazaqstanda koronavirýs infektsiiasy 972 adamnan anyqtaldy.
