Foto Tengrinews.kz/Alihan Sariev
QR Bas sanitar dárigeri Aijan Esmaǵambetova Densaýlyq saqtaý ministrliginiń keńeitilgen alqa otyrysynda epidemiologiialyq jaǵdaidyń jańartylǵan boljamyn málim etti, dep habarlaidy QazAqparat.
«Optimistik stsenarii boiynsha, naýryz aiynda aldyn alý sharalary saqtalǵan jaǵdaida táýligine virýs juqtyrýdyń 250 jaǵdaiy tirkeledi.
Naqty stsenarii boiynsha, naýryz aiynda syrqattaný deńgeii respýblika kóleminde kúnine 310 jaǵdaiǵa deiin jetedi.
Pessimistik stsenarii boiynsha, kúnine 360 jaǵdaiǵa deiin tirkelýi múmkin», - dedi Bas sanitarlyq dáriger.
Onyń aitýynsha, buǵan deiin koronavirýs infektsiiasymen kúreste halyqty vaktsinalaýdyń mańyzy zor boldy.
«Búgingi tańda 10,2 million adam vaktsinanyń bir dozasyn aldy. Bul jalpy halyqtyń 53,7%. 2021 jyldyń qarashasynan bastap KVI-ge qarsy revaktsinatsiia bastaldy. Úshinshi dozany 2,5 mln adam nemese vaktsinalaýǵa jatatyn halyqtyń 56% qabyldady», - vitse-ministr.
