Professor, MedSupportKZ volonteri Dana Aqylbekova virýstan qorǵaityn maskalardy qalai tańdaý kerektigin aityp berdi, – dep habarlaidy QazAqparat.
- Meditsinalyq jáne mata maskalardyń qaisysy virýstan jaqsyraq qorǵaidy?
- Maska tańdaý adamnyń qaida baratynyna jáne nemen ainalysatynyna tikelei bailanysty. Tynys alý júiesi men bet terisin aýa tamshylarymen beriletin infektsiialardan qorǵaý úshin dárihanalarda satylatyn qarapaiym jáne qoljetimdi meditsinalyq maskalardy alýǵa bolady. Matadan jasalǵan maskalarǵa kelsek, olar da durys taǵylǵan jaǵdaida N95 jáne qarapaiym meditsinalyq maskalar siiaqty virýstary bar aýa tamshylaryn súzedi. Maska tynys alý kezinde aerozolderdi bloktaidy, olar mataǵa nemese súzgige túsip, virýstyń mólsherin azaitady. Al N95 respiratorlary negizinen dárigerlerge usynylady.
- Matadan jasalǵan maska taqqanda, qandai materialdy tańdaǵan jón?
- Mata maskalardy koronavirýs belgileri joq saý adamdar kie alady. Mundai maskalar birneshe qabattan turýy kerek. Bet terisine tietin qabat tyǵyz toqylǵan matadan (maqtadan) jasalýy kerek. Al kerisinshe beti tamshylar men ylǵaldy ótkizbeitin materialdan jasalýy qajet. Bul poliester nemese maqta qospalary sekildi sintetikalyq matalar bolýy múmkin. Kiilgen mata maskalardy kem degende 60 gradýs ystyq sýda sabynmen jýý kerek. Las jáne dymqyl maskany kiiýge bolmaidy, dem alý qiyndaityn maskany da kiiýge bolmaidy. Amerikalyq ǵalymdar maska tigý úshin túrli matalardyń tiimdiligin tekserdi. Matalar úlken tamshylardy mata talshyǵymen mehanikalyq túrde ustaidy, al elektrostatikalyq tartylys arqyly kishkentai nano tamshylaryn ustaidy. Óz tiimdiligin dáleldegen matalar retinde tyǵyz maqta, tabiǵi jibek, flanel jáne shifondy erekshe atap ótýge bolady. Birneshe qabattan jasalǵan maskalar 90% deiingi aýa súzý tiimdiligin kórsete alady.
- Jasyratyny joq, kóptegen adamdar bir maskany birneshe kún, tipti birneshe apta taǵady jáne ǵimarat ishinde ǵana qoldanamyz dep aqtalady. Buǵan ne deisiz – maskany aýystyryp otyrý qanshalyqty mańyzdy?
- Virýstar matanyń betinde birneshe saqtalady jáne oǵan jinala beredi. Ásirese koronavirýspen lastanǵan maska qaitadan adam betine tiiýi múmkin. Kún saiyn qoldanýǵa bolatyn maskalardyń belgilengen ýaqyty nemese usynylǵan sany joq. Munyń bári sizdiń ne isteitinińizge bailanysty. Alaida, eger sizdiń maskańyz kirlengen, dymqyl nemese zaqymdalǵan bolsa, jańa maskaǵa aýystyrý kerek.
- Maska taqqan kezde túshkirý nemese jótelý durys pa, mundai jaǵdaida ne isteý kerek?
- Maskada nemese shyntaqpen jaýyp tushkirýge, jótelýge bolady. Osylaisha siz basqalardy ziiandy mikrob nemese virýs bolýy múmkin aýa tamshylarynan qorǵaisyz. Koronavirýs adamnan adamǵa túshkirý nemese jótelý arqyly aýa tamshylarymen beriledi. Virýstar ózderi «saiahattamaidy», aýa tamshylar arqyly beriledi. Bul aerozol dep atalady. Óte úlken bólshekter alysqa ushpaidy, biraq kishkentai tamshylar aýada uzaǵyraq turyp, basqalarǵa taralýy múmkin.
