Koronavirýs boiynsha «kók» mártebesi bar turǵyndar úshin birqatar shekteý alynyp tastaldy. Bul týraly búgin Úkimet otyrysynda QR Densaýlyq saqtaý ministri Ajar Ǵiniiat málim etti, dep habarlaidy QazAqparat.
«Epidemiologiialyq qaýip aimaǵyna qaramastan «kók» mártebesi bar bolǵan kezde otelderge, qonaq úilerge, áýejailarǵa, temirjol, avtovokzaldarǵa, Halyqqa qyzmet kórsetý ortalyqtaryna, «Qazposhta» AQ bólimshelerine, bankterge, ashanalar túrindegi qoǵamdyq tamaqtaný obektilerine, jabyq bazarlarǵa, bilim berý uiymdaryna, SPA-ortalyqtarǵa, sán salondaryna, oblysaralyq, oblysishilik, qalalyq tasymaldaýlarǵa shekteýsiz kirýge ruqsat etiledi», - dedi Ajar Ǵiniiat.
Onyń atap ótýinshe, «kók» mártebesi bar kelýshilerdiń kirýine ruqsat berilgen birqatar obektiler úshin «jasyl» aimaqta shekteýler alynyp tastalady. «Sary» aimaqta 70 paiyzǵa deiin, «qyzyl» aimaqta 60 paiyzǵa jáne meiramhanalar, mádeni obektiler, balalar men eresekter úshin saýda, jáne oiyn-saýyq oryndary boiynsha tolymdylyq ulǵaityldy.
«Elimizde pandemiianyń búkil kezeńinde biznestiń barlyq salalarynda karantindik sharalardyń mundai keń aýqymdy jeńildikteri bolǵan joq», - dedi ministr.
