2021 jyldan bastap turǵyndarǵa erikti túrde jappai vaktsina egý josparlanyp otyr. Bul týraly Memleket basshysy Qasym-Jomart Toqaev Premer-Ministr Asqar Mamindi qabyldaýy kezinde aityldy, dep habarlaidy QazAqparat.
2021 jyldan bastap turǵyndarǵa erikti túrde jappai vaktsina egý josparlanyp otyr. Alǵashqy kezeńde turǵyndardyń aýrýdy juqtyrý qaýpi joǵary toby, iaǵni dárigerler, pedagogtar, kúshtik qurylymdardyń qyzmetkerleri qamtylady.
Qasym-Jomart Toqaev Asqar Maminge otandyq vaktsina óndirisine qatysty berilgen tapsyrmany jedel oryndaǵany úshin alǵys bildirip, dáriniń tiimdiligine basa mán berýdi jáne turǵyndarǵa qol jetimdi bolýyn baqylaýda ustaýdy tapsyrdy.
Aldyn ala boljamǵa sáikes, Qazaqstanda koronavirýsqa qarsy vaktsina 65 jastan asqan, júrek-qan tamyry aýrýy, qant diabeti jáne sozylmaly ókpe aýrýlary bar táýekel tobyna kiretin adamdarǵa jáne meditsina qyzmetkerlerine salynatyn bolady. Vaktsina alatyndardyń boljamdy sany 2 347 000 adamdy quraidy.
Densaýlyq saqtaý ministrligi vaktsinalaý - infektsiialyq aýrýlardan qorǵanýdyń tiimdi ádisi ekenin jetkizdi. Qazaqstandyq ǵalymdar 7 vaktsina daiyndaý tehnologiiasyn jasady. Koronavirýsqa qarsy vaktsina salynatyn táýekel tobyndaǵy adamdar aiqyndaldy. Qazaqstanda koronavirýsqa qarsy vaktsina baǵasy qansha bolýy múmkin ekeni de aityldy.
