QR Prezidenti Ákimshiligi basshysynyń birinshi orynbasary Dáýren Abaev qazaqstandyq vaktsinanyń klinikalyq synaq nátijeleri jiti baqylaýda turǵanyn atap ótti, dep habarlaidy QazAqparat.
«Taiaýda ǵana elimizde koronavirýsqa qarsy vaktsinatsiia bastaldy. Bul protsess halyqty immýndaýdy jaqtaýshylar men oǵan qarsylyq tanytýshylardyń arasyndaǵy talas-tartyspen ótip jatyr. Ókinishke orai, utymdy dáleldermen qatar daýlasýshylar jii kemsitýshilikke jol berip jatady. Men vaktsinatsiiany jaqtaimyn. Ekpe jasatamyn ba? Iá, sózsiz. Kezegim kelgen sátte-aq muny jariia túrde jasaýǵa daiynmyn», - dedi ol.
Dáýren Abaevtyń qazaqstandyq vaktsinanyń klinikalyq synaq nátijeleri jiti baqylaýda turǵandyǵyn atap ótti.
«Qazir úshinshi kezeńi ótip jatyr. Tiimdiligi joǵary. Kúrdeli janama áserleri tirkelgen joq. Bizdiń vaktsinaǵa inaktivtelgen, iaǵni ólgen virýs negiz bolǵan. Ol aǵzamyzdy qorǵaityn antidenelerdiń túzilýine septigin tigizedi. Ázirleýshi – Biologiialyq qaýpsizdik problemalarynyń ǵylymi-zertteý institýty barlyq qujatty Dúniejúzilik densaýlyq saqtaý uiymyna beredi. Buǵan qosa, biz eshqaida da asyǵyp otyrǵanymyz joq. Barlyǵy tyńǵylyqty tekseriledi. Bul iste asyǵystyqqa jol berýge bolmaidy», - dedi Prezident Ákimshiligi basshysynyń birinshi orynbasary.
Sonymen qatar ol álemdegi oqiǵalar otandyq vaktsinaǵa basymdyq berý strategiialyq durys sheshim bolǵandyǵyn kórsetkenin atap ótti.
«Sebebi qarapaiym – bul vaktsinanyń jetispeýshiligi. Búginde batys elderi olardyń eksportyna shekteý engizip jatyr. Álem ózgerýde. Árkim ózi úshin. Ondaǵan el jahandyq immýndaýdan tysqary qalý qaýpinde tur. Bul neni bildiredi? Eń aldymen, olarǵa koronadaǵdarysty eńserý úshin ýaqyt birshama uzaǵyraq qajet bolady. Al olardyń azamattary jer sharynyń kóptegen buryshynda unamsyz qonaqqa ainalady. Prezident aitqandai, Qazaqstanda vaktsinatsiia múldem tegin. Árine, birinshi kezekte dárigerler, infektsiialyq aýrýhanalardyń qyzmetkerleri, koronavirýspen kúrestiń alǵy shebinde júrgender ekpe alady», - dedi Dáýren Abaev.
QR Prezidenti Ákimshiligi basshysynyń birinshi orynbasary vaktsinatsiia tóńiregindegi daý-damaiǵa qatysty da pikirin bildirip ótti.
«Myna bir mańyzdy tusyn atap ótkim keledi: Memleket vaktsinatsiialaýǵa eshkimdi májbúrlemeidi. Tek erikti túrde ekpe jasalady. Elimizde shúbámen qaraýshylardyń da bar ekendigin bilemiz. Biraq, mundai shúbálanýshylardyń arasynda tanymal pikirlerdiń bolǵanyna qaramastan marginaldy teoriiany ustanýshylar tym az. Áleýmettik ólshem jekelegen azamattardyń vaktsinanyń jedel aradaǵy óndirisine bailanysty onyń janama áserlerinen qorqatyndyǵyn kórsetip otyr. Túptep kelgende bul adamdar vaktsinatsiiaǵa qarsy emes, olarǵa tek qosymsha kepil ǵana qajet. Sondyqtan da qazirgi ýaqytta barlyq óńirde jaýapty memlekettik qyzmetshiler ekpe alyp jatyr. Jáne de muny jariia túrde jasaýda. Bul «haip» qýý, upai jinaý, atyn shyǵarýǵa degen umtylys emes. Bul tolyqtai senim ahýalyn qalyptastyrýǵa qarai jasalǵan qadam», - dedi ol.
