Ulttyq biotehnologiia ortalyǵy genetikalyq injeneriia zerthanasynyń meńgerýshisi, biologiia ǵylymdarynyń kandidaty Aleksandr Shýstov koronavirýsqa qarsy vaktsina qashan jasalatynyn aitty, dep habarlaidy QazAqparat.
«Biz shartty túrde baǵdarlamany úsh jylǵa bóldik. Birinshi jyly barlyq gendik injenerlik jumystardy aiaqtap, biotehnologiia ónimi retinde vaýtsiiana jasaý kerek. Iaǵni, tiri vektorly virýsty alyp tiri vektorly vaktsina retinde qoldanyp, sýbbiriktirilgen vaktsina retinde qoldanýǵa bolatyn rekombinattalǵan S aqýyzyn alýymyz kerek. Bul jumys 2020 jyldyń sońyna deiin aiaqtalýy kerek», - deidi Aleksandr Shýstov.
Ol kelesi eki jylda qandai jumystar isteletinin aitty.
«Kelesi jyly vaktsinanyń qorǵanys kúshin tekserý kerek. Úshinshi jyly onyń qaýipsizdigine qatysty synaqtar jasalady. Bul protsesti jyldamdatýǵa kelmeidi. Bul saladan habary joq adam úshin úsh jyl tym uzaq ýaqyt bolyp kórinýi múmkin. Adamdarǵa arnalǵan biopreparatty jasaýmen ainalysyp kórmegender úshin bul birtúrli bolyp kórinýi de múmkin, sebebi epidemiia kóz aldymyzda bolyp jatyr. Biz mundai vaktsina jasaý barysynda keibir kezeńnen attap óte almaitynymyzdy aitqym keledi», - deidi ǵalym.
Buǵan deiin Aleksandr Shýstov Qazaqstanda koronavirýsqa qarsy vaktsina jasaý qalai júrip jatqany týraly aitqan bolatyn.
