ۇلتتىق بيوتەحنولوگييا ورتالىعى گەنەتيكالىق ينجەنەرييا زەرتحاناسىنىڭ مەڭگەرۋشٸسٸ, بيولوگييا عىلىمدارىنىڭ كانديداتى الەكساندر شۋستوۆ كوروناۆيرۋسقا قارسى ۆاكتسينا قاشان جاسالاتىنىن ايتتى, دەپ حابارلايدى قازاقپارات.
«بٸز شارتتى تٷردە باعدارلامانى ٷش جىلعا بٶلدٸك. بٸرٸنشٸ جىلى بارلىق گەندٸك ينجەنەرلٸك جۇمىستاردى اياقتاپ, بيوتەحنولوگييا ٶنٸمٸ رەتٸندە ۆاۋتسييانا جاساۋ كەرەك. ياعني, تٸرٸ ۆەكتورلى ۆيرۋستى الىپ تٸرٸ ۆەكتورلى ۆاكتسينا رەتٸندە قولدانىپ, سۋببٸرٸكتٸرٸلگەن ۆاكتسينا رەتٸندە قولدانۋعا بولاتىن رەكومبيناتتالعان S اقۋىزىن الۋىمىز كەرەك. بۇل جۇمىس 2020 جىلدىڭ سوڭىنا دەيٸن اياقتالۋى كەرەك», - دەيدٸ الەكساندر شۋستوۆ.
ول كەلەسٸ ەكٸ جىلدا قانداي جۇمىستار ٸستەلەتٸنٸن ايتتى.
«كەلەسٸ جىلى ۆاكتسينانىڭ قورعانىس كٷشٸن تەكسەرۋ كەرەك. ٷشٸنشٸ جىلى ونىڭ قاۋٸپسٸزدٸگٸنە قاتىستى سىناقتار جاسالادى. بۇل پروتسەستٸ جىلدامداتۋعا كەلمەيدٸ. بۇل سالادان حابارى جوق ادام ٷشٸن ٷش جىل تىم ۇزاق ۋاقىت بولىپ كٶرٸنۋٸ مٷمكٸن. ادامدارعا ارنالعان بيوپرەپاراتتى جاساۋمەن اينالىسىپ كٶرمەگەندەر ٷشٸن بۇل بٸرتٷرلٸ بولىپ كٶرٸنۋٸ دە مٷمكٸن, سەبەبٸ ەپيدەمييا كٶز الدىمىزدا بولىپ جاتىر. بٸز مۇنداي ۆاكتسينا جاساۋ بارىسىندا كەيبٸر كەزەڭنەن اتتاپ ٶتە المايتىنىمىزدى ايتقىم كەلەدٸ», - دەيدٸ عالىم.
بۇعان دەيٸن الەكساندر شۋستوۆ قازاقستاندا كوروناۆيرۋسقا قارسى ۆاكتسينا جاساۋ قالاي جٷرٸپ جاتقانى تۋرالى ايتقان بولاتىن.
