Memleket basshysy Premer-Ministr Asqar Mamindi qabyldady, dep habarlaidy Aqorda.
Qasym-Jomart Toqaevqa koronavirýs indetine qarsy otandyq vaktsinanyń ázirlený barysy týraly baiandaldy.
Premer-Ministr Prezidentke 29 qarasha kúni klinikalyq synaqtardyń 1 jáne 2-kezeńderiniń aiaqtalǵany týraly málimdedi. Asqar Maminniń aitýynsha, vaktsinanyń keri áseri anyqtalǵan joq jáne onyń joǵary tiimdiligi tirkeldi. 25 jeltoqsannan bastap klinikalyq synaqtardyń 3-shi kezeńinde atalǵan vaktsina 3 myń eriktige egiledi. Synaqtar tolyǵymen 2021 jyly naýryzdyń sońyna qarai aiaqtalady.
Sonymen qatar Memleket basshysyna osy jyldyń sońyna deiin 2 million mólsher kólemindegi otandyq vaktsinanyń alǵashqy partiiasy shyǵarylatyny týraly aqparat berildi.
Memleket basshysynyń Resei Prezidenti Vladimir Pýtinmen jasaǵan kelisimine sáikes osy jyldyń 22 jeltoqsanynan bastap Qazaqstanda reseilik «Spýtnik V» vaktsinasyn óndirý qolǵa alynady. 2021 jyldan bastap turǵyndarǵa erikti túrde jappai vaktsina egý josparlanyp otyr. Alǵashqy kezeńde turǵyndardyń aýrýdy juqtyrý qaýpi joǵary toby, iaǵni dárigerler, pedagogtar, kúshtik qurylymdardyń qyzmetkerleri qamtylady.
Qasym-Jomart Toqaev Asqar Maminge otandyq vaktsina óndirisine qatysty berilgen tapsyrmany jedel oryndaǵany úshin alǵys bildirip, dáriniń tiimdiligine basa mán berýdi jáne turǵyndarǵa qol jetimdi bolýyn baqylaýda ustaýdy tapsyrdy.
