Qazaqstanda taǵy 1 003 adamǵa koronavirýs juqqany PTR testpen naqtylandy. 18 adam koronavirýs pnevmoniiasyna shaldyqqan. Densaýlyq saqtaý ministrliginiń 8 aqpan kúngi habarlamasynda osyndai málimet kórsetilgen. 11 adam ólimi tirkelgen: 6 adam - koronavirýstan, 5 adam koronavirýs pnevmoniiasynan qaitys boldy dep aitylady.
Resmi málimet boiynsha, Qazaqstanda naýryz aiynan beri koronavirýs juqtyrǵandar 196 115 adamǵa jetti. 176 744-i jazylǵan. Ótken táýlikte 843 adam aiyqqan. 2020 jyldyń naýryz aiynan beri 2 601 adam qaitys bolǵan.
Qazaqstan biligi 2020 jyldyń 1 tamyzynan beri pnevmoniianyń koronavirýsqa uqsas túrine jeke kod berip, bólek eseptep keledi. Sodan beri 48 313 adamnan koronavirýs pnevmoniiasy anyqtalǵan. 584 adam qaitys bolǵan. 37 471 adam jazylǵan. Ministrlik aqpan aiynan bastap aimaqtaǵy koronavirýs pnevmoniiasy týraly statistika jariialai bastady. Kún saiynǵy málimette eki kún burynǵy kórsetkish jariialanady. Ministrliktiń habarlaýynsha, 5 aqpanda koronavirýs pnevmoniiasy Qostanai oblysy (18) men Jambyl oblysynda (10) kóbirek tirkelgen.
Ótken táýlikte koronavirýs juqqany testpen dáleldengen naýqastar sany boiynsha eń joǵary kórsetkish Pavlodar oblysynda (222) tirkeldi. Almatyda - 114, Nur-Sultanda - 75, Shyǵys Qazaqstan oblysynda – 63, Atyraý oblysynda – 43, Qaraǵandy oblysynda – 46, Batys Qazaqstan oblysynda - 83, Soltústik Qazaqstan oblysynda – 69, Qostanai oblysynda - 81, Almaty oblysynda - 47, Shymkent qalasynda - 5, Jambyl oblysynda - 11, Túrkistan oblysynda - 7, Mańǵystaý oblysynda - 17, Aqtóbe oblysynda - 5, Qyzylorda oblysynda 7 adamnan koronavirýs anyqtalǵan.
Qazir koronavirýstan 27 028 adam emdelip jatyr. 10 258-iniń PTR testi teris shyqqan (iaǵni, olarǵa klinikalyq belgileri boiynsha Covid/koronavirýs pnevmoniiasy diagnozy qoiylǵan). 5 804 naýqas statsionarda emdelip jatyr. 268 adamnyń jaǵdaiy aýyr, 49 naýqastyń jaǵdaiy óte aýyr. 42 adam jasandy tynys apparatyna qosylǵan.
Djons Hopkins ýniversitetiniń málimeti boiynsha, álemde koronavirýs juqtyrǵandar 106 mln 56 myńnan asty. 59 mln 144 myń adam jazylǵan. 2 mln 315 myń naýqas qaitys bolǵan.
