Densaýlyq saqtaý ministri Eljan Birtanov qazirgi ýaqytta el aýmaǵynda 1400-den astam azamat statsionarlyq karantinde, al 545 azamat úi karantininde jatqanyn málim etti, dep habarlaidy "Ult aqparat".
«Jalpy el boiynsha qazirgi tańda 1400-den astam azamat statsionarlyq karantinde, al 545 azamat úi karantininde jatyr. Taǵy basqa memleketten kelip jatqan azamattar úsh sanat boiynsha baqylaýda nemese jalpy esepte turady. Osy jaǵdaiǵa bailanysty qajetti is-sharalar memlekettik deńgeide vedomstvoaralyq komissiianyń sheshimimen qabyldanýda. Ózderińizge málim, jalpy úlken sharalarǵa tyiym salynyp, olar toqtatyldy. Qazir qajetti sanitarlyq-epidemiologiialyq sharalar engizilýde. Árine, bizdiń negizgi maqsatymyz – osy koronavirýs infektsiiasynyń taratylýyn toqtatý. Bul baǵytta sanitarlyq-epidemiologiialyq qyzmet qajetti barlyq sharany qabyldaýda», - dedi Eljan Birtanov «Habar 24» arnasynan tikelei efirde.
Onyń aitýynsha halyq kóp jinalatyn oryndarda arnaiy sharalar kúsheitilgen. Almaty jáne Nur-Sultan qalalarynda tirkelgen azamattarǵa bailanysty barlyq baqylaý sharasy engizildi.
Aita ketsek birer minýt buryn ǵana Eljan Birtanov Qazaqstanda koronavirýs juqtyrǵandardyń sany 8-ge jetkenin, jańadan juqtyrǵandardyń biri Seýlden ushyp kelgenin habarlaǵan edi.
