دەنساۋلىق ساقتاۋ مينيسترٸ ەلجان بٸرتانوۆ قازٸرگٸ ۋاقىتتا ەل اۋماعىندا 1400-دەن استام ازامات ستاتسيونارلىق كارانتيندە, ال 545 ازامات ٷي كارانتينٸندە جاتقانىن مەلٸم ەتتٸ, دەپ حابارلايدى "ۇلت اقپارات".
«جالپى ەل بويىنشا قازٸرگٸ تاڭدا 1400-دەن استام ازامات ستاتسيونارلىق كارانتيندە, ال 545 ازامات ٷي كارانتينٸندە جاتىر. تاعى باسقا مەملەكەتتەن كەلٸپ جاتقان ازاماتتار ٷش سانات بويىنشا باقىلاۋدا نەمەسە جالپى ەسەپتە تۇرادى. وسى جاعدايعا بايلانىستى قاجەتتٸ ٸس-شارالار مەملەكەتتٸك دەڭگەيدە ۆەدومستۆوارالىق كوميسسييانىڭ شەشٸمٸمەن قابىلدانۋدا. ٶزدەرٸڭٸزگە مەلٸم, جالپى ٷلكەن شارالارعا تىيىم سالىنىپ, ولار توقتاتىلدى. قازٸر قاجەتتٸ سانيتارلىق-ەپيدەميولوگييالىق شارالار ەنگٸزٸلۋدە. ەرينە, بٸزدٸڭ نەگٸزگٸ ماقساتىمىز – وسى كوروناۆيرۋس ينفەكتسيياسىنىڭ تاراتىلۋىن توقتاتۋ. بۇل باعىتتا سانيتارلىق-ەپيدەميولوگييالىق قىزمەت قاجەتتٸ بارلىق شارانى قابىلداۋدا», - دەدٸ ەلجان بٸرتانوۆ «حابار 24» ارناسىنان تٸكەلەي ەفيردە.
ونىڭ ايتۋىنشا حالىق كٶپ جينالاتىن ورىنداردا ارنايى شارالار كٷشەيتٸلگەن. الماتى جەنە نۇر-سۇلتان قالالارىندا تٸركەلگەن ازاماتتارعا بايلانىستى بارلىق باقىلاۋ شاراسى ەنگٸزٸلدٸ.
ايتا كەتسەك بٸرەر مينۋت بۇرىن عانا ەلجان بٸرتانوۆ قازاقستاندا كوروناۆيرۋس جۇقتىرعانداردىڭ سانى 8-گە جەتكەنٸن, جاڭادان جۇقتىرعانداردىڭ بٸرٸ سەۋلدەن ۇشىپ كەلگەنٸن حابارلاعان ەدٸ.
