Koronavirýspen kúres jónindegi shuǵyl shtab 14 mamyrda tańerteń sońǵy bir kúnde Qazaqstanda 154 adamnan koronavirýs tabylyp, 185 adamnyń jazylyp shyqqanyn habarlady.
"Ósim 2,5 paiyzdy quraidy. Jalpy naýqastar 5571 adamǵa jetti" delingen habarlamada. Barlyǵy 2476 adam aýrýdan aiyqqan.
Respýblika boiynsha naýqastar sany jaǵynan Almaty (1678), Nur-Sultan (1148) jáne Atyraý oblysy (457) alda tur.
Qazaqstanda 11 mamyrda tótenshe jaǵdai aiaqtalǵanmen karantin saqtalǵan. Elde birqatar biznes nysandarynyń jumys isteýine ruqsat etilgen, saiabaqtar ashylǵan. 18 mamyrdan bastap dámhana, meiramhanalar, dini oryndar men qonaq úiler jumys istei bastaidy. Degenmen elde iri oiyn-saýyq ortalyqtary, kinoteatrlar, iri saýda oryndary jabyq.
