QR densaýlyq saqtaý vitse-ministri — Qazaqstan Respýblikasynyń bas memlekettik sanitar dárigeri Aijan Esmaǵambetova eldegi epidemiologiialyq jaǵdaidy baiandady, dep habarlaidy QazAqparat.
«Búgin elimizde koronavirýs infektsiiasy boiynsha epidemiologiialyq jaǵdai jaqsaryp keledi. Sońǵy eki aptamen salystyrsaq, syrqattaný deńgeii 4,7-ge tómendedi. Al statsionarda em alatyn naýqastar sany eki ese azaidy. Ambýlatoriialyq jaǵdaida em alatyndar sany 4 ese qysqardy», - dedi Aijan Esmaǵambetova QR DSM uiymdastyrǵan onlain dáriste.
Spikerdiń aitýynsha, elimizde vaktsinalaý jánen revaktsinalaý jumysy jalǵasyp jatyr.
«Búgingi kúni qazaqstanda koronavirýsqa qarsy vaktsinanyń birinshi komponentin 10 millionnan astam qazaqstandyq aldy. Búgingi kúni egilýge tiisti eresek turǵyndardy vaktsinamen qamtý - 82 paiyzdy, jalpy halyqtyń 53 paiyzyn qurady. 2 mln 400 myńǵa jýyq adam revaktsinatsiiadan ótti. Ol aqpan aiynda egilýge tiisti halyqtyń 52 paiyzyn qamtydy. Bul kórsetkish jaman emes», - dedi bas memlekettik sanitar dáriger.
