Qazaqstanda koronavirýsqa qatysty epidemiologiialyq ahýal turaqty dep baǵalanyp otyr. Bul týraly QR Densaýlyq saqtaý ministrliginiń resmi ókili Baǵdat Qojahmetov aitty, dep habarlaidy "Ult aqparat".
«Qazaqstanda epidemiologiialyq ahýal turaqty dep baǵalanyp otyr. Koronavirýs infektsiiasyn juqtyrý deńgeii tómendep keledi. 4 qyrkúiektegi málimet boiynsha, 106 121 naýqas koronavirýs infektsiiasyn juqtyrǵan. Sońǵy táýlikte 89 jaǵdai tirkeldi. Qazir 6 myńǵa jýyq patsient em qabyldaýda, 98 585 naýqas jazylyp shyqty. Ókinishke qarai, 1 612 adam qaitys boldy», - dedi ol Ortalyq kommýnikatsiialar qyzmetindegi baspasóz máslihatynda.
Sondai-aq resmi ókildiń dereginshe, koronavirýsqa uqsas belgileri bar, biraq PTR-testi teris shyqqan 26 803 adam tirkelgen. Olardyń arasynda 305 patsient qaitys boldy. 20 972 naýqas em qabyldap jatyr.
Ólim-jitim jaǵdaiyna saraptama jasaityn arnaýly komissiianyń qorytyndysyna sáikes, 556 adam janama nemese ilespe aýrýlardyń áserinen qaitys boldy.
«Barshańyzǵa málim, búginde Densaýlyq saqtaý ministri Túrkistan oblysynda jumys saparmen júr. Buǵan deiin Aleksei Tsoi Shymkentke, Taldyqorǵanǵa, Aiagózge, Óskemenge barǵan. Is-sapardyń maqsaty - óńirlerdegi meditsinalyq mekemelerdiń daiyndyǵyn tekserý. Kúzde koronavirýstyń ekinshi tolqyny bolýy múmkin degen boljam bar. Sondyqtan qaýip-qaterge daiyn bolý úshin ministr ózi aimaqtardy aralap júr», - dedi Baǵdat Qojahmetov.
