قازاقستاندا كوروناۆيرۋسقا قاتىستى ەپيدەميولوگييالىق احۋال تۇراقتى دەپ باعالانىپ وتىر. بۇل تۋرالى قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ باعدات قوجاحمەتوۆ ايتتى, دەپ حابارلايدى "ۇلت اقپارات".
«قازاقستاندا ەپيدەميولوگييالىق احۋال تۇراقتى دەپ باعالانىپ وتىر. كوروناۆيرۋس ينفەكتسيياسىن جۇقتىرۋ دەڭگەيٸ تٶمەندەپ كەلەدٸ. 4 قىركٷيەكتەگٸ مەلٸمەت بويىنشا, 106 121 ناۋقاس كوروناۆيرۋس ينفەكتسيياسىن جۇقتىرعان. سوڭعى تەۋلٸكتە 89 جاعداي تٸركەلدٸ. قازٸر 6 مىڭعا جۋىق پاتسيەنت ەم قابىلداۋدا, 98 585 ناۋقاس جازىلىپ شىقتى. ٶكٸنٸشكە قاراي, 1 612 ادام قايتىس بولدى», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
سونداي-اق رەسمي ٶكٸلدٸڭ دەرەگٸنشە, كوروناۆيرۋسقا ۇقساس بەلگٸلەرٸ بار, بٸراق پتر-تەستٸ تەرٸس شىققان 26 803 ادام تٸركەلگەن. ولاردىڭ اراسىندا 305 پاتسيەنت قايتىس بولدى. 20 972 ناۋقاس ەم قابىلداپ جاتىر.
ٶلٸم-جٸتٸم جاعدايىنا ساراپتاما جاسايتىن ارناۋلى كوميسسييانىڭ قورىتىندىسىنا سەيكەس, 556 ادام جاناما نەمەسە ٸلەسپە اۋرۋلاردىڭ ەسەرٸنەن قايتىس بولدى.
«بارشاڭىزعا مەلٸم, بٷگٸندە دەنساۋلىق ساقتاۋ مينيسترٸ تٷركٸستان وبلىسىندا جۇمىس ساپارمەن جٷر. بۇعان دەيٸن الەكسەي تسوي شىمكەنتكە, تالدىقورعانعا, اياگٶزگە, ٶسكەمەنگە بارعان. ٸس-ساپاردىڭ ماقساتى - ٶڭٸرلەردەگٸ مەديتسينالىق مەكەمەلەردٸڭ دايىندىعىن تەكسەرۋ. كٷزدە كوروناۆيرۋستىڭ ەكٸنشٸ تولقىنى بولۋى مٷمكٸن دەگەن بولجام بار. سوندىقتان قاۋٸپ-قاتەرگە دايىن بولۋ ٷشٸن مينيستر ٶزٸ ايماقتاردى ارالاپ جٷر», - دەدٸ باعدات قوجاحمەتوۆ.
