Densaýlyq saqtaý ministrligi 5 aqpandaǵy epidemiologiialyq ahýaldy baǵalaý matritsasyn jariialady, dep habarlaidy «Ult aqparat».
5 aqpandaǵy epidemiologiialyq ahýaldy baǵalaý matritsasyna sáikes, Qazaqstannyń úsh oblysy «qyzyl» aimaqta tur. Olar: Aqmola, Soltústik Qazaqstan, Pavlodar oblystary. Keshe «qyzyl» aimaqta bolǵan Batys Qazaqstan búgin «sary» aimaqqa ótti.
«Sary» aimaqta Batys Qazaqstanmen qatar Nur-Sultan qalasy, Shyǵys Qazaqstan, Qostanai, Atyraý, Qaraǵandy oblystary bar.
Qalǵan óńirler men qalalar – «jasyl» aimaqta. Matritsa jalpy Qazaqstannyń «sary» aimaqtan «jasyl» aimaqqa ótkenin kórsetti.
Eske sala ketsek keshe QR Bas memlekettik sanitarlyq dárigeri Erlan Qiiasovtyń karantin sharalaryn jeńildetý týraly jańa qaýlysy jariialanǵan bolatyn.
Qaýly erejelerine sáikes, «jasyl» aimaqtaǵy óńirlerde meshitterge jurttyń jinalýyna, sonymen qatar mektep ashanalarynyń jumysyna ruqsat berildi.
