Qazaqstan koronavirýstyń taralýy boiynsha «sary aimaqta» tur. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy "Ult aqparat".
Álemdik reitingke sáikes, Qazaqstan aýrý kórsetkishi boiynsha 221 eldiń ishinde 104-orynda, al ólim-jitim boiynsha 111-orynda tur. Qazaqstanda 25 mamyrda COVID-19-dyń oń nátijesimen 376 572 naýqas, KVI-diń teris nátijesimen 54 716 jaǵdai tirkeldi», - dedi ol.
Onyń atap ótýinshe, Qazaqstan Respýblikasy «sary aimaqta» tur. Al elimizdiń 5 óńiri «qyzyl aimaqqa» kiredi. Olar – Nur-Sultan, Almaty qalalary, Aqmola, Qaraǵandy jáne Atyraý oblystary.
«Batys Qazaqstan oblysy «qyzyl» jáne «sary» aimaqtardyń arasyndaǵy shekarada tur. «Sary aimaqta» 6 óńir bar: Aqtóbe, Pavlodar, Qostanai, Mańǵystaý, Soltústik Qazaqstan oblystary jáne Shymkent qalasy. Qalǵan bes óńir «jasyl aimaqqa» kiredi», - dedi Aleksei Tsoi.
