QR Premer-Ministriniń orynbasary Eraly Toǵjanov koronavirýs infektsiiasy qai óńirlerde órship turǵanyn baiandady, dep habarlaidy QazAqparat.
«Túrkistan oblysyn qospaǵanda, elimizdiń barlyq óńiri qyzyl aimaqqa endi. Aýrýshańdyq deńgeii boiynsha Nur-Sultan, Almaty qalalary, Qaraǵandy jáne Atyraý oblystary kósh bastap tur. Jeltoqsan aiynyń sońynda statsionarlarda 3 myńnan az adam em alsa, búginde naýqastar sany 7 myńnan asty. Emhanalar deńgeiinde emdeletin naýqastar sany da 4,8 ese artty», - dedi Toǵjanov Ortalyq kommýnikatsiialar qyzmetinde.
Bir ǵana Nur-Sultan qalasy boiynsha statsionarlarda em alatyn adamdardyń sany 200 adamnan 1000-ǵa deiin, iaǵni 5 ese ósken. Bul jaǵdai Densaýlyq saqtaý júiesine úlken júkteme artyp otyr.
Osyǵan bailanysty vedomstvoaralyq komissiia qosymsha shekteý sharalaryn qabyldady.
«Iaǵni vaktsinalaý mártebesine qaramastan, shetelden kelgenderdiń barlyǵynda teris PTR testiniń bolýy mindetteldi. Ashyq baǵdarlamasy boiynsha «jasyl» mártebe bolǵanda ǵana jumys isteýge ruqsat etilgen obektiler tizbesi keńeitildi. Óńirlerdegi epidemiologiialyq ahýalǵa bailanysty oqýshylardy, stýdentterdi oqytýǵa differentsialdy tásil qoldanylady. Halyq kóp jinalatyn oryndarǵa qosymsha shekteýler engizildi. Bul májbúrli sharalar, eń aldymen, azamattarymyzdy qorǵaýǵa baǵyttalǵan», - dep túsindirdi Toǵjanov.
