Koronavirýs infektsiiasynyń taralý qaýpine bailanysty elimizdegi saýda oryndary jabyla ma? Bul suraqqa Saýda jáne integratsiia ministri Baqyt Sultanov jaýap berdi, dep habarlaidy "Ult aqparat".
«Saýda núktelerin jabýǵa qatysty áńgimege keler bolsaq, qazir bári de - bazar da, óndiris te jumys istep tur. Taýyq burynǵysha jumyrtqalap, siyr baiaǵydai saýyla beredi. Naýbaihanalar jabylmaidy. Saýda núkteleri de, saýda alańdary da burynǵydai jumysyn jalǵastyra beredi. Mine, eshqandai dúrbeleń týǵyzýdyń qajeti joq», - dedi Baqyt Sultanov Ortalyq kommýnikatsiialar qyzmetinde ótken baspasóz máslihatynda.
Eske sala ketsek, buǵan deiin atalmysh baspasóz máslihatynda Baqyt Sultanov koronavirýs infektsiiasyna bailanysty sýpermarketter men bazarlarda týyndaǵan dúrbeleńge bailanysty qazaqstandyqtardy sabyrǵa shaqyrǵan bolatyn.
