Memleket basshysy Qasym-Jomart Toqaev Armeniia Prezidenti Armen Sarkisiannyń koronavirýstan tezirek saýyǵyp ketýine tilektestik bildirdi, dep habarlaidy "Ult aqparat".
«Prezident Armen Sarkisiannyń @Arm_President koronavirýstan jyldam aiyǵyp ketýine jáne Armeniia halqynyń igiligi úshin memlekettik qyzmetke qaita oralýyna tilektespin. Bizdiń eldirimiz ben bútin álemniń belsendi kúsh-jigeri COVID-19-dy jeńýge yqpal etetinine senimdimin», - dep jazdy Q.Toqaev Twitter-degi paraqshasynda.
Armenpress aqparat agenttiginiń habarlaýynsha, A.Sarkisian Jańa jyldy Londonda otbasymen jáne nemerelerimen birge qarsy aldy.
«3 qańtarda Londonda Prezident Sarkisiannyń aiaǵyna operatsiia sátti jasalǵan bolatyn. Alaida, Prezidentte sondai-aq koronavirýstyń jańa túriniń belgileri kórinis bergen. Tapsyrǵan testi oń nátije kórsetti...
Prezident Sarkisian óz qyzmetin ýaqytsha qashyqtan jalǵastyrady», - dep málim etken Armenpresske Armeniia Respýblikasy Prezidentiniń BAQ jáne qoǵammen bailanys basqarmasynan.
