QR Densaýlyq saqtaý ministrligi biylǵy 7 qańtardaǵy jaǵdai boiynsha Qytaidan kelgen qazaqstandyq jáne sheteldik azamattardyń jai-kúii týraly aitty, dep habarlaidy QazAqparat.
«Búginge deiin jalpy 123 adam aýrýhanaǵa jatqyzyldy. 92 adam úilerine qaitaryldy, 31-i aýrýhanada jatyr. Naýqastardyń jaǵdaiy jaqsy. Ýhan qalasynan evakýatsiialanǵan bizdiń azamattar týraly aitar bolsaq, Qazaqstan Respýblikasyna jetkizilgen 83 azamattyń 13-inde qazirgi tańda dene qyzýy joq. JRVI belgisimen emdelýin jalǵastyrýda», - dedi búgin ótken brifingte QR Densaýlyq saqtaý ministrliginiń resmi ókili Dias Ahmetshárip.
Onyń aitýynsha, Ýhannan evakýatsiialanǵan Belarýs Respýblikasynyń – 5, Armeniianyń 1 turǵynynyń jaǵdaiy jaqsy.
«Olardyń dene temperatýrasy qalypty, densaýlyqtaryna shaǵymdary joq. Sondai-aq, Qazaqstan Respýblikasynyń Ýhannan Túmenge evakýatsiialanǵan - 3 jáne Tashkentke evakýatsiialanǵan 5 azamatynyń jaǵdaiy jaqsy. Olardyń dene qyzýy kóterilmegen, JRVI belgileri baiqalmaǵan. Densaýlyqtaryna shaǵymdary joq», - deidi ol.
Atap ótilgendei, barlyq azamat Densaýlyq saqtaý ministrliginiń turaqty baqylaýynda. Karantin 16 aqpanǵa deiin sozylady.
