قر دەنساۋلىق ساقتاۋ مينيسترلٸگٸ بيىلعى 7 قاڭتارداعى جاعداي بويىنشا قىتايدان كەلگەن قازاقستاندىق جەنە شەتەلدٸك ازاماتتاردىڭ جاي-كٷيٸ تۋرالى ايتتى, دەپ حابارلايدى قازاقپارات.
«بٷگٸنگە دەيٸن جالپى 123 ادام اۋرۋحاناعا جاتقىزىلدى. 92 ادام ٷيلەرٸنە قايتارىلدى, 31-ٸ اۋرۋحانادا جاتىر. ناۋقاستاردىڭ جاعدايى جاقسى. ۋحان قالاسىنان ەۆاكۋاتسييالانعان بٸزدٸڭ ازاماتتار تۋرالى ايتار بولساق, قازاقستان رەسپۋبليكاسىنا جەتكٸزٸلگەن 83 ازاماتتىڭ 13-ٸندە قازٸرگٸ تاڭدا دەنە قىزۋى جوق. جرۆي بەلگٸسٸمەن ەمدەلۋٸن جالعاستىرۋدا», - دەدٸ بٷگٸن ٶتكەن بريفينگتە قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ دياس احمەتشەرٸپ.
ونىڭ ايتۋىنشا, ۋحاننان ەۆاكۋاتسييالانعان بەلارۋس رەسپۋبليكاسىنىڭ – 5, ارمەنييانىڭ 1 تۇرعىنىنىڭ جاعدايى جاقسى.
«ولاردىڭ دەنە تەمپەراتۋراسى قالىپتى, دەنساۋلىقتارىنا شاعىمدارى جوق. سونداي-اق, قازاقستان رەسپۋبليكاسىنىڭ ۋحاننان تٷمەنگە ەۆاكۋاتسييالانعان - 3 جەنە تاشكەنتكە ەۆاكۋاتسييالانعان 5 ازاماتىنىڭ جاعدايى جاقسى. ولاردىڭ دەنە قىزۋى كٶتەرٸلمەگەن, جرۆي بەلگٸلەرٸ بايقالماعان. دەنساۋلىقتارىنا شاعىمدارى جوق», - دەيدٸ ول.
اتاپ ٶتٸلگەندەي, بارلىق ازامات دەنساۋلىق ساقتاۋ مينيسترلٸگٸنٸڭ تۇراقتى باقىلاۋىندا. كارانتين 16 اقپانعا دەيٸن سوزىلادى.
