Qaraǵandy oblysy koronavirýstyń taraýy boiynsha, «sary» aimaqqa ótti. Osyǵan bailanysty Qaraǵandy oblysynyń bas sanitarlyq dárigeri óńir turǵyndaryna úndeý joldady, dep habarlaidy "Ult aqparat".
«Qurmetti Qaraǵandy oblysynyń turǵyndary! Qaraǵandy oblysy 2021 jylǵy 18 qańtardaǵy Qazaqstan óńirlerindegi epidemiologiialyq jaǵdaidy baǵalaý matritsasyna sáikes «sary aimaqta» tur.
2020 jylǵy 18 qańtardaǵy jaǵdai boiynsha oblysta barlyǵy koronavirýspen naýqastanǵandar sany 12 782-ni qurap otyr, 100 myń turǵynǵa shaqqanda syrqattanýshylyq kórsetkishi 899,8 qurady.
Aýrý belgileri bar azamattar - 54,9% jáne aýrý belgilerinsiz virýs tasymaldaýshylar - 45,1%-jetti.
Epidemiologiialyq jaǵdai kúrdeli dep baǵalanyp otyr, óitkeni virýs juqtyrǵandar sany artyp keledi. Sondyqtan, aýrýdyń órshýine jol bermeý maqsatynda oblystyń Bas memlekettik sanitarlyq dárigeriniń qaýly talaptarynyń saqtalýyn qatań qamtamasyz etý qajet. Balalarǵa, jasy úlken adamdarǵa jáne aýrýǵa óte sezimtal sozylmaly aýrýlary bar adamdarǵa erekshe nazar aýdarý kerek.
Sizdiń densaýlyǵyńyz, jaqyndaryńyzdyń densaýlyǵy ózińizdiń qolyńyzda, sondyqtan oqshaýlanýdy, bioqaýipsizdik erejelerin (maska kiiý, antiseptikterdi qoldaný, áleýmettik qashyqtyq) saqtaýlaryńyz qajet.
Qazirgi ýaqytta jekelegen aýmaqtarda da, jalpy oblys kóleminde karantindik is-sharalardy qabyldaý máselesi qarastyrylýda. Qaraǵandy oblysynyń Bas sanitarlyq dárigeri retinde barlyq azamattardy sanitarlyq sharalar men shekteýlerdi múltiksiz saqtaýǵa shaqyramyn, bul koronavirýstyq infektsiianyń taralýyn baqylaýdyń jalǵyz joly», - delingen Qaraǵandy oblysynyń Bas memlekettik sanitarlyq dárigeri Iýrii Zalyginniń Úndeýinde.
