Qaraǵandy oblystyq densaýlyq saqtaý basqarmasynyń basshylyǵy óńir turǵyndaryn koronavirýs týraly jalǵan habarlamalarǵa senbeýge shaqyrdy, dep habarlaidy "Ult aqparat".
Qaraǵandy oblysynda koronavirýsqa kúdikti bir de bir jaǵdai tirkelmegen. Atalmysh infektsiianyń taralýynyń aldyn alý sharalary týraly Densaýlyq saqtaý basqarmasynda ótken brifingte málim etti.
«Ózderińiz bilesizder, Memleket basshysy koronavirýstyń taralýynyń aldyn alý úshin naqty sharalar qabyldaýdy tapsyrdy. Oblys ákiminiń orynbasary Álisher Ábdiqadyrov bastaǵan oblystyq shtab quryldy. Negizgi baǵyttardy qamtityn is-sharalar kesheni ázirlendi. Meditsinalyq qyzmetkerler koronavirýs anyqtalǵan jaǵdaida áreket etý boiynsha aýqymdy oqytýdan ótti. Oblys boiynsha provizorlyq baqylaý jáne azamattardy karantindeý úshin arnaiy oryndar daiyndaldy», - dep habarlady Densaýlyq saqtaý basqarmasynyń basshysy Erjan Nurlybaev.
Ol sondai-aq meditsinalyq maskalar ainalasyndaǵy dúrlikpe týraly da túsinikteme berdi. Basqarma basshysynyń aitýynsha, turǵyndardyń ózderi dárihanalarda jasandy tapshylyqtyń ornaýyna áserin tigizgen.
«Búgingi tańda biz maska kiip júrý rejimin engizgen joqpyz. Dúrlikpege esh negiz joq. Aqpan aiynyń basynda oblysqa shamamen 700 myń betperde alyp kelgen. Azamattar olardy úlken partiialarmen satyp ala bastady. Bul máseleni sheshý úshin jaqyn arada oblysta bir ret qoldanylatyn buiymdar, birinshi kezekte maskalar men halattar óndirisi jolǵa qoiylady. Biz turǵyndardyń suranysyn tolyq qanaǵattandyramyz», - dedi Erjan Nurlybaev.
Onyń aitýynsha, meditsinalyq uiymdar maskalarmen tolyq kólemde qamtamasyz etilgen. Olar respýblikalyq biýdjetten bólingen qarajat esebinen satyp alyndy.
Brifingte sondai-aq JRVI men tumaý aýrýy týraly habarlady. Oblystyq taýarlar men qyzmetterdiń sapasy men qaýipsizdigin baqylaý departamentiniń basshysy Qanat Asqarovtyń aqparaty boiynsha, jaǵdai qanaǵattanarlyq jáne karantin engizýdiń qajeti joq. 1 qazannan bastap oblysta JRVI dertiniń 30 myń jaǵdaiy tirkelgen, maýsymdyq tumaýdyń - 142 jáne V tumaýynyń bir jaǵdaiy zerthanalyq saraptama arqyly rastaldy.
Vedomstvo basshylary azamattardy messendjerlerde jalǵan habarlamalarǵa senbeýge, tek resmi aqparatty paidalanýǵa shaqyrdy. Ondai aqparat QR Densaýlyq saqtaý ministrliginiń, Densaýlyq saqtaý basqarmasynyń, taýarlar men qyzmetterdiń sapasy men qaýipsizdigin baqylaý komitetiniń departamentiniń saittarynda únemi ornalastyrylady.
