قاراعاندى وبلىستىق دەنساۋلىق ساقتاۋ باسقارماسىنىڭ باسشىلىعى ٶڭٸر تۇرعىندارىن كوروناۆيرۋس تۋرالى جالعان حابارلامالارعا سەنبەۋگە شاقىردى, دەپ حابارلايدى "ۇلت اقپارات".
قاراعاندى وبلىسىندا كوروناۆيرۋسقا كٷدٸكتٸ بٸر دە بٸر جاعداي تٸركەلمەگەن. اتالمىش ينفەكتسييانىڭ تارالۋىنىڭ الدىن الۋ شارالارى تۋرالى دەنساۋلىق ساقتاۋ باسقارماسىندا ٶتكەن بريفينگتە مەلٸم ەتتٸ.
«ٶزدەرٸڭٸز بٸلەسٸزدەر, مەملەكەت باسشىسى كوروناۆيرۋستىڭ تارالۋىنىڭ الدىن الۋ ٷشٸن ناقتى شارالار قابىلداۋدى تاپسىردى. وبلىس ەكٸمٸنٸڭ ورىنباسارى ەلٸشەر ەبدٸقادىروۆ باستاعان وبلىستىق شتاب قۇرىلدى. نەگٸزگٸ باعىتتاردى قامتيتىن ٸس-شارالار كەشەنٸ ەزٸرلەندٸ. مەديتسينالىق قىزمەتكەرلەر كوروناۆيرۋس انىقتالعان جاعدايدا ەرەكەت ەتۋ بويىنشا اۋقىمدى وقىتۋدان ٶتتٸ. وبلىس بويىنشا پروۆيزورلىق باقىلاۋ جەنە ازاماتتاردى كارانتيندەۋ ٷشٸن ارنايى ورىندار دايىندالدى», - دەپ حابارلادى دەنساۋلىق ساقتاۋ باسقارماسىنىڭ باسشىسى ەرجان نۇرلىباەۆ.
ول سونداي-اق مەديتسينالىق ماسكالار اينالاسىنداعى دٷرلٸكپە تۋرالى دا تٷسٸنٸكتەمە بەردٸ. باسقارما باسشىسىنىڭ ايتۋىنشا, تۇرعىنداردىڭ ٶزدەرٸ دەرٸحانالاردا جاساندى تاپشىلىقتىڭ ورناۋىنا ەسەرٸن تيگٸزگەن.
«بٷگٸنگٸ تاڭدا بٸز ماسكا كيٸپ جٷرۋ رەجٸمٸن ەنگٸزگەن جوقپىز. دٷرلٸكپەگە ەش نەگٸز جوق. اقپان ايىنىڭ باسىندا وبلىسقا شامامەن 700 مىڭ بەتپەردە الىپ كەلگەن. ازاماتتار ولاردى ٷلكەن پارتييالارمەن ساتىپ الا باستادى. بۇل مەسەلەنٸ شەشۋ ٷشٸن جاقىن ارادا وبلىستا بٸر رەت قولدانىلاتىن بۇيىمدار, بٸرٸنشٸ كەزەكتە ماسكالار مەن حالاتتار ٶندٸرٸسٸ جولعا قويىلادى. بٸز تۇرعىنداردىڭ سۇرانىسىن تولىق قاناعاتتاندىرامىز», - دەدٸ ەرجان نۇرلىباەۆ.
ونىڭ ايتۋىنشا, مەديتسينالىق ۇيىمدار ماسكالارمەن تولىق كٶلەمدە قامتاماسىز ەتٸلگەن. ولار رەسپۋبليكالىق بيۋدجەتتەن بٶلٸنگەن قاراجات ەسەبٸنەن ساتىپ الىندى.
بريفينگتە سونداي-اق جرۆي مەن تۇماۋ اۋرۋى تۋرالى حابارلادى. وبلىستىق تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسشىسى قانات اسقاروۆتىڭ اقپاراتى بويىنشا, جاعداي قاناعاتتانارلىق جەنە كارانتين ەنگٸزۋدٸڭ قاجەتٸ جوق. 1 قازاننان باستاپ وبلىستا جرۆي دەرتٸنٸڭ 30 مىڭ جاعدايى تٸركەلگەن, ماۋسىمدىق تۇماۋدىڭ - 142 جەنە ۆ تۇماۋىنىڭ بٸر جاعدايى زەرتحانالىق ساراپتاما ارقىلى راستالدى.
ۆەدومستۆو باسشىلارى ازاماتتاردى مەسسەندجەرلەردە جالعان حابارلامالارعا سەنبەۋگە, تەك رەسمي اقپاراتتى پايدالانۋعا شاقىردى. ونداي اقپارات قر دەنساۋلىق ساقتاۋ مينيسترلٸگٸنٸڭ, دەنساۋلىق ساقتاۋ باسقارماسىنىڭ, تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ كوميتەتٸنٸڭ دەپارتامەنتٸنٸڭ سايتتارىندا ٷنەمٸ ورنالاستىرىلادى.
