Qapshaǵaida jedel-járdem qyzmetiniń kólik júrgizýshileri koronavirýs jaily jalǵan aqparat taratty. Qazir eki azamattyń ústinen qylmystyq is qozǵaldy, – dep habarlaidy Almaty oblystyq Politsiia Departamenti baspasóz qyzmeti.
29 qańtar kúni «Vatsap» jelisi arqyly eki adamnyń koronavirýs indetin juqtyrdy degen kúdikpen túskendigi jóninde aqparat taraǵan. Quzyrly organ aqparatty teksergende bul habarlamanyń jalǵan ekeni anyqtalǵan.
«Jedel-izdestirý barysynda eki kúdikti ustaldy. Olar Qapshaǵai qalasynyń politsiia bólimshesine jetkizildi. Ekeýi de jergilikti aýrýhanadaǵy jedel-járdemniń kólik júrgizýshisi bolyp jumys isteidi. Eki er azamatqa jalǵan aqparat taratýyna ne túrtki bolǵany tergeý barysynda anyqtalady», dep málimdedi atalǵan vedomstvonyń baspasóz qyzmetinen.
Qazir eki kúdikti jalǵan aqparat taratqany úshin QR QK 274-babynyń 1-tarmaǵyna sáikes zań aldynda jaýapqa tartylady. Isti Qapshaǵai qalasynyń tergeýshileri júrgizip jatyr. Tergeý barysynda ustalǵan kúdiktiler arnaiy qolhatpen jiberilgen.
