Iordaniiada halyqty vaktsinatsiialaý jalǵasýda, qazir munda aýrý deńgeiiniń tómendeýi baiqalady, bul el biligine jazǵa deiin ekonomikanyń jekelegen sektorlaryn ashamyz dep úmittendirip otyr, dep habarlaidy Koroldiktiń Densaýlyq saqtaý ministriligi.
Ramazan aiy Hashimit Koroldiginiń koronavirýs infektsiiasynyń taralýyn azaitýǵa baǵyttalǵan shekteý sharalarymen tuspa-tus keldi. Búgin Iordaniiadaǵy barlyq jeke sektor uiymdary saǵat 18.00-ge deiin jumys istei alady, adamdarǵa úilerine jetý úshin taǵy bir saǵat beriledi, sodan keiin keshki jetiden bastap komendanttyq saǵat bastalady.
Juma kúngi shekteýler burynǵy rejimde jalǵasýda, atap aitqanda tótenshe jaǵdailar men keibir kommýnaldyq qyzmetterdi qospaǵanda, beisenbi kúni keshke senbi kúni tańerteńge deiin eldegi barlyq qozǵalysqa tyiym salynady.
Eske sala keteiik, Iordaniiada, barlyq Taiaý Shyǵys elderindegidei, juma jáne senbi demalys kúnderi bolyp sanalady.
Sonymen birge, juma kúni BAQ isteri jónindegi memlekettik ministr jáne Iordaniia úkimetiniń resmi ókili Saher Dýdin Ramazan aiynyń sońǵy eki jumasynda meshitterde juma namazyna ruqsat etilýi múmkin dedi.
«Bul eldegi COVID-19 jaǵdaiyna bailanysty», - dedi sheneýnik.
Densaýlyq saqtaý ministrliginiń habarlaýynsha, qabyldanǵan shekteý sharalary men halyqty vaktsinatsiialaý oń nátije berýde. Búgingi tańda Iordaniiada koronavirýs juqtyrǵandar men virýstan qaitys bolǵandardyń sany azaiyp keledi.
Senbide Iordaniiada COVID-19 juqtyrýdyń 1596 jańa jaǵdaiy tirkeldi, infektsiiadan 61 adam qaitys boldy.
El ekonomikasynyń negizgi sektorlarynyń biri – týrizm, sondyqtan jazǵy maýsym qarsańynda bilik te, osy sektorǵa tartylǵan iordaniialyqtar da antikovidtik sharalardy jeńildetýge jáne sheteldik týristerdi tartýǵa múddeli.
«PTR-testilerdiń oń nátije kórsetkishteri 5 paiyzǵa deiin tómendegende ǵana onyń saldaryn jumsartý boiynsha sharalar qabyldanatyn bolady», - dep atap ótti S.Dýdin.
«Osylaisha, júrgizilgen PTR-testilerdiń jalpy sanyna oń nátije kórsetkishteriniń qatynasy 5 paiyzǵa deiin tómendegende, saýda men qyzmetterdiń túrli sektorlarynyń jumysy birtindep qaita jandanatyn bolady. Bilik bul 1 maýsymnan bastap bolady dep úmittenedi.
Iordaniianyń Densaýlyq saqtaý ministrliginiń málimetteri boiynsha, qazir PTR testileriniń oń nátije kórsetkishteriniń zertteýlerdiń jalpy sanyna qatynasy 12-den 14 paiyzǵa deiin.
«Úkimet bizdiń azamattarymyz bastarynan ótkizip jatqan kúrdeli ekonomikalyq, áleýmettik jáne psihologiialyq ahýaldy biledi, biraq sonymen birge pandemiia jaǵdaiyn keri qaitarǵysy kelmeidi. Bizdiń maqsatymyz – qaýipsiz jaz mezgiline jetý jáne qalypty ómirge oralý», - dep atap ótti S.Dýdin.
Ol jazda qaýipsiz jaǵdaiǵa qol jetkizý úshin múmkindiginshe kóp adamdy vaktsinalaý qajet ekenin atap ótip, Úkimet úsh million adamdy vaktsinalaýdy birinshi maýsymǵa deiin aiaqtamaq niette ekenin aitty.
