يوردانييادا حالىقتى ۆاكتسيناتسييالاۋ جالعاسۋدا, قازٸر مۇندا اۋرۋ دەڭگەيٸنٸڭ تٶمەندەۋٸ بايقالادى, بۇل ەل بيلٸگٸنە جازعا دەيٸن ەكونوميكانىڭ جەكەلەگەن سەكتورلارىن اشامىز دەپ ٷمٸتتەندٸرٸپ وتىر, دەپ حابارلايدى كورولدٸكتٸڭ دەنساۋلىق ساقتاۋ مينيسترٸلٸگٸ.
رامازان ايى حاشيميت كورولدٸگٸنٸڭ كوروناۆيرۋس ينفەكتسيياسىنىڭ تارالۋىن ازايتۋعا باعىتتالعان شەكتەۋ شارالارىمەن تۇسپا-تۇس كەلدٸ. بٷگٸن يوردانيياداعى بارلىق جەكە سەكتور ۇيىمدارى ساعات 18.00-گە دەيٸن جۇمىس ٸستەي الادى, ادامدارعا ٷيلەرٸنە جەتۋ ٷشٸن تاعى بٸر ساعات بەرٸلەدٸ, سودان كەيٸن كەشكٸ جەتٸدەن باستاپ كومەندانتتىق ساعات باستالادى.
جۇما كٷنگٸ شەكتەۋلەر بۇرىنعى رەجيمدە جالعاسۋدا, اتاپ ايتقاندا تٶتەنشە جاعدايلار مەن كەيبٸر كوممۋنالدىق قىزمەتتەردٸ قوسپاعاندا, بەيسەنبٸ كٷنٸ كەشكە سەنبٸ كٷنٸ تاڭەرتەڭگە دەيٸن ەلدەگٸ بارلىق قوزعالىسقا تىيىم سالىنادى.
ەسكە سالا كەتەيٸك, يوردانييادا, بارلىق تاياۋ شىعىس ەلدەرٸندەگٸدەي, جۇما جەنە سەنبٸ دەمالىس كٷندەرٸ بولىپ سانالادى.
سونىمەن بٸرگە, جۇما كٷنٸ باق ٸستەرٸ جٶنٸندەگٸ مەملەكەتتٸك مينيستر جەنە يوردانييا ٷكٸمەتٸنٸڭ رەسمي ٶكٸلٸ ساحەر دۋدين رامازان ايىنىڭ سوڭعى ەكٸ جۇماسىندا مەشٸتتەردە جۇما نامازىنا رۇقسات ەتٸلۋٸ مٷمكٸن دەدٸ.
«بۇل ەلدەگٸ COVID-19 جاعدايىنا بايلانىستى», - دەدٸ شەنەۋنٸك.
دەنساۋلىق ساقتاۋ مينيسترلٸگٸنٸڭ حابارلاۋىنشا, قابىلدانعان شەكتەۋ شارالارى مەن حالىقتى ۆاكتسيناتسييالاۋ وڭ نەتيجە بەرۋدە. بٷگٸنگٸ تاڭدا يوردانييادا كوروناۆيرۋس جۇقتىرعاندار مەن ۆيرۋستان قايتىس بولعانداردىڭ سانى ازايىپ كەلەدٸ.
سەنبٸدە يوردانييادا COVID-19 جۇقتىرۋدىڭ 1596 جاڭا جاعدايى تٸركەلدٸ, ينفەكتسييادان 61 ادام قايتىس بولدى.
ەل ەكونوميكاسىنىڭ نەگٸزگٸ سەكتورلارىنىڭ بٸرٸ – تۋريزم, سوندىقتان جازعى ماۋسىم قارساڭىندا بيلٸك تە, وسى سەكتورعا تارتىلعان يوردانييالىقتار دا انتيكوۆيدتٸك شارالاردى جەڭٸلدەتۋگە جەنە شەتەلدٸك تۋريستەردٸ تارتۋعا مٷددەلٸ.
«پتر-تەستٸلەردٸڭ وڭ نەتيجە كٶرسەتكٸشتەرٸ 5 پايىزعا دەيٸن تٶمەندەگەندە عانا ونىڭ سالدارىن جۇمسارتۋ بويىنشا شارالار قابىلداناتىن بولادى», - دەپ اتاپ ٶتتٸ س.دۋدين.
«وسىلايشا, جٷرگٸزٸلگەن پتر-تەستٸلەردٸڭ جالپى سانىنا وڭ نەتيجە كٶرسەتكٸشتەرٸنٸڭ قاتىناسى 5 پايىزعا دەيٸن تٶمەندەگەندە, ساۋدا مەن قىزمەتتەردٸڭ تٷرلٸ سەكتورلارىنىڭ جۇمىسى بٸرتٸندەپ قايتا جانداناتىن بولادى. بيلٸك بۇل 1 ماۋسىمنان باستاپ بولادى دەپ ٷمٸتتەنەدٸ.
يوردانييانىڭ دەنساۋلىق ساقتاۋ مينيسترلٸگٸنٸڭ مەلٸمەتتەرٸ بويىنشا, قازٸر پتر تەستٸلەرٸنٸڭ وڭ نەتيجە كٶرسەتكٸشتەرٸنٸڭ زەرتتەۋلەردٸڭ جالپى سانىنا قاتىناسى 12-دەن 14 پايىزعا دەيٸن.
«ٷكٸمەت بٸزدٸڭ ازاماتتارىمىز باستارىنان ٶتكٸزٸپ جاتقان كٷردەلٸ ەكونوميكالىق, ەلەۋمەتتٸك جەنە پسيحولوگييالىق احۋالدى بٸلەدٸ, بٸراق سونىمەن بٸرگە پاندەمييا جاعدايىن كەرٸ قايتارعىسى كەلمەيدٸ. بٸزدٸڭ ماقساتىمىز – قاۋٸپسٸز جاز مەزگٸلٸنە جەتۋ جەنە قالىپتى ٶمٸرگە ورالۋ», - دەپ اتاپ ٶتتٸ س.دۋدين.
ول جازدا قاۋٸپسٸز جاعدايعا قول جەتكٸزۋ ٷشٸن مٷمكٸندٸگٸنشە كٶپ ادامدى ۆاكتسينالاۋ قاجەت ەكەنٸن اتاپ ٶتٸپ, ٷكٸمەت ٷش ميلليون ادامدى ۆاكتسينالاۋدى بٸرٸنشٸ ماۋسىمعا دەيٸن اياقتاماق نيەتتە ەكەنٸن ايتتى.
