Indoneziia politsiiasy Iava jáne Bali araldarynyń joldary men 400-den astam baqylaý-ótkizý beketterinde blokpostar ornatty. Bul senbi kúni júzdegen million adamnyń úilerinde qalyp, koronavirýstyń taralýyn boldyrmaý maqsatynda qoldanylǵan shara, dep habarlaidy Reuters agenttigi.
Koronavirýstyń Aziiada eń qatty ýshyǵýyna qarsy kúres kezeńinde álemde halyq sany jaǵynan tórtinshi orynda turǵan elde sońǵy 12 kúnniń ishindegi segizinde infektsiia taralýynyń rekordtyq sany tirkelgen. Bul rette juma kúni virýsqa shaldyǵýdyń 25 830 oqiǵasy men 539 ólim jaǵdaiy tirkelgen.
«Biz ádette adam eń kóp jinalatyn 21 orynǵa patrýl ornattyq», - dedi juma kúni keshke ótken baspasóz máslihatynda Indoneziia Ulttyq politsiiasynyń basshysy Istiono.
Politsiia ókili jańa shekteýlerdiń saqtalýyn qamtamasyz etý maqsatynda 21 myńnan astam politsei men áskeri qyzmetkerlerdiń Indoneziianyń halyq sany eń kóp Iava araly men týristik kýrorttyq Bali araldaryn qorshaýǵa alatynyn málim etti.
Alǵash ret Úndistanda anyqtalǵan Delta shtamy Indoneziiada tez taralyp jatyr. Elde qaýipti virýsqa shaldyqqandar sany 2,2 million adam, al odan qaitys bolǵandar sany 59 500 adamnan asqan.
