Germaniiada sport zaldary qaita ashyldy, Frantsiia vaktsinanyń qarqynyn kúrt arttyrdy, al britandyq mektep oqýshylary partalaryna qaita oralyp jatyr. Birqatar Eýropa elderi pandemiiaǵa bailanysty jaǵdaidyń birtindep turaqtalatynyn jariialaidy, dep habarlaidy Euronews.com saity.
Germaniiadaǵy keibir federaldy jerlerde sport zaldary qaita jumys jasai bastady.
Biliktiń aitýynsha, eldegi Covid-19 jaǵdaiy «turaqtandy» – 100 myń turǵynǵa shaqqanda infektsiianyń shamamen 50 jaǵdaiy keledi. Koronavirýstyń ólim deńgeii tómendedi.
Reanimatsiiadaǵy patsientterdiń sany da azaiyp keledi.
«Árine, bul jańalyq qatty qýantty. Óitkeni úsh ai boiy úide jattyǵyp, júgirgennen keiin sport zaldardyń ashylýy kádimgidei jaqsy boldy. Áli de maska taǵý siiaqty shekteýlerdiń bolǵanyna qaramastan, erkin tynystaityn boldyq», – deidi eýropalyqtar.
Vaktsinalaýdyń baiaý bastalǵany úshin synǵa ushyraǵan Frantsiia biligi onyń qarqynyn kúrt jedeldetti.
Elde tipti senbi kúnderi jumys isteitin júzdegen vaktsinalaý ortalyqtary ashyldy. Onda tórt iri áskeri aýrýhana qaita jabdyqtaldy.
«Maskalar sheshilsin!» «Jasasyn bostandyq!» degen uran jazyp alǵan 3000-ǵa jýyq demonstrant Rýmyniia astanasyndaǵy úkimet úiiniń aldyna jinaldy. Olar vaktsinalaýǵa jáne «vaktsina tólqujattaryn» engizýge narazylyq bildirdi. Býharest biliginiń sheshimi qarsańynda barlar men meiramhanalardyń jabylýy birinshi ret emes. Olar kem degende eki aptaǵa jabylady.
Italiia koronavirýstyń 100 000-nan astam ólimimen Eýropadaǵy alǵashqy memleket boldy.
Mundai derekterdi respýblikanyń densaýlyq saqtaý ministrligi usyndy. Bul esep boiynsha koronavirýsty juqtyrǵan 100 100-den astam adam qaitys boldy, ótken táýlikte bul kórsetkish 318 adamǵa artty.
Pandemiiadan zardap shekken aimaqtar Lombardiia (30 myńǵa jýyq ólim), Emiliia-Romania (11 myńǵa jýyq), Pemont jáne Veneto (10 myń ólim) boldy.
Rimniń Termini temirjol vokzalynan vaktsinalaýǵa qajetti meditsinalyq jabdyqtar artylǵan poiyz jóneltildi.
Jospar boiynsha, onda kúnine bir jarym myń italiialyq vaktsina alady. Sonymen qatar vaktsina pýnktileri eldiń onshaqty temirjol stansasyna ornalastyryldy.
Infektsiia sanynyń kóbeiýine bailanysty eki óńir «qyzǵylt sary» aimaqqa, bireýi – Kampaniia qalasy «qyzyl» aimaqqa jatqyzyldy.
