گەرمانييادا سپورت زالدارى قايتا اشىلدى, فرانتسييا ۆاكتسينانىڭ قارقىنىن كٷرت ارتتىردى, ال بريتاندىق مەكتەپ وقۋشىلارى پارتالارىنا قايتا ورالىپ جاتىر. بٸرقاتار ەۋروپا ەلدەرٸ پاندەميياعا بايلانىستى جاعدايدىڭ بٸرتٸندەپ تۇراقتالاتىنىن جارييالايدى, دەپ حابارلايدى ەuronews.com سايتى.
گەرمانيياداعى كەيبٸر فەدەرالدى جەرلەردە سپورت زالدارى قايتا جۇمىس جاساي باستادى.
بيلٸكتٸڭ ايتۋىنشا, ەلدەگٸ Covid-19 جاعدايى «تۇراقتاندى» – 100 مىڭ تۇرعىنعا شاققاندا ينفەكتسييانىڭ شامامەن 50 جاعدايى كەلەدٸ. كوروناۆيرۋستىڭ ٶلٸم دەڭگەيٸ تٶمەندەدٸ.
رەانيماتسيياداعى پاتسيەنتتەردٸڭ سانى دا ازايىپ كەلەدٸ.
«ەرينە, بۇل جاڭالىق قاتتى قۋانتتى. ٶيتكەنٸ ٷش اي بويى ٷيدە جاتتىعىپ, جٷگٸرگەننەن كەيٸن سپورت زالداردىڭ اشىلۋى كەدٸمگٸدەي جاقسى بولدى. ەلٸ دە ماسكا تاعۋ سيياقتى شەكتەۋلەردٸڭ بولعانىنا قاراماستان, ەركٸن تىنىستايتىن بولدىق», – دەيدٸ ەۋروپالىقتار.
ۆاكتسينالاۋدىڭ باياۋ باستالعانى ٷشٸن سىنعا ۇشىراعان فرانتسييا بيلٸگٸ ونىڭ قارقىنىن كٷرت جەدەلدەتتٸ.
ەلدە تٸپتٸ سەنبٸ كٷندەرٸ جۇمىس ٸستەيتٸن جٷزدەگەن ۆاكتسينالاۋ ورتالىقتارى اشىلدى. وندا تٶرت ٸرٸ ەسكەري اۋرۋحانا قايتا جابدىقتالدى.
«ماسكالار شەشٸلسٸن!» «جاساسىن بوستاندىق!» دەگەن ۇران جازىپ العان 3000-عا جۋىق دەمونسترانت رۋمىنييا استاناسىنداعى ٷكٸمەت ٷيٸنٸڭ الدىنا جينالدى. ولار ۆاكتسينالاۋعا جەنە «ۆاكتسينا تٶلقۇجاتتارىن» ەنگٸزۋگە نارازىلىق بٸلدٸردٸ. بۋحارەست بيلٸگٸنٸڭ شەشٸمٸ قارساڭىندا بارلار مەن مەيرامحانالاردىڭ جابىلۋى بٸرٸنشٸ رەت ەمەس. ولار كەم دەگەندە ەكٸ اپتاعا جابىلادى.
يتالييا كوروناۆيرۋستىڭ 100 000-نان استام ٶلٸمٸمەن ەۋروپاداعى العاشقى مەملەكەت بولدى.
مۇنداي دەرەكتەردٸ رەسپۋبليكانىڭ دەنساۋلىق ساقتاۋ مينيسترلٸگٸ ۇسىندى. بۇل ەسەپ بويىنشا كوروناۆيرۋستى جۇقتىرعان 100 100-دەن استام ادام قايتىس بولدى, ٶتكەن تەۋلٸكتە بۇل كٶرسەتكٸش 318 ادامعا ارتتى.
پاندەمييادان زارداپ شەككەن ايماقتار لومباردييا (30 مىڭعا جۋىق ٶلٸم), ەميلييا-رومانيا (11 مىڭعا جۋىق), پەمونت جەنە ۆەنەتو (10 مىڭ ٶلٸم) بولدى.
ريمنٸڭ تەرميني تەمٸرجول ۆوكزالىنان ۆاكتسينالاۋعا قاجەتتٸ مەديتسينالىق جابدىقتار ارتىلعان پويىز جٶنەلتٸلدٸ.
جوسپار بويىنشا, وندا كٷنٸنە بٸر جارىم مىڭ يتالييالىق ۆاكتسينا الادى. سونىمەن قاتار ۆاكتسينا پۋنكتٸلەرٸ ەلدٸڭ ونشاقتى تەمٸرجول ستانساسىنا ورنالاستىرىلدى.
ينفەكتسييا سانىنىڭ كٶبەيۋٸنە بايلانىستى ەكٸ ٶڭٸر «قىزعىلت سارى» ايماققا, بٸرەۋٸ – كامپانييا قالاسى «قىزىل» ايماققا جاتقىزىلدى.
