QR Densaýlyq saqtaý ministri Eljan Birtanov koronavirýs juqtyrǵan jolaýshy anyqtalǵan «Frankfýrt-Almaty» reisinde qai elderdiń azamattary bolǵanyn aitty, dep habarlaidy "Ult aqparat".
«Frankfýrt-Almaty» áýe baǵdary turaqty reis bolyp sanalady jáne jolaýshylar ortaq terminal arqyly shyqty. Biz 73 jolaýshyny anyqtadyq, onyń 41-i - Qazaqstan azamaty, al qalǵandary - ózge memleket turǵyndary. Atap aitqanda, kópshiligi Germaniia azamaty bolsa, 16-sy - basqa elderdiń azamattary», - dedi ministr Ortalyq kommýnikatsiialar qyzmetindegi brifingte.
Densaýlyq saqtaý ministri Eljan Birtanov koronavirýs infektsiiasyn juqtyrǵan Qazaqstannyń eki azamaty Germaniiadan kelgenin málim etti.
Sonymen qatar koronavirýs juqtyrǵan Qazaqstan azamattarymen bir bortta bolǵan jolaýshylar karantinge jatqyzylatyny aityldy.
«Ekeýi de Qazaqstanǵa ushaqpen ushyp kelgen. Bortta koronavirýsty juqtyrǵandarmen birge bolǵandardyń bári de karantinge jatqyzylady. Iaǵni, 9 naýryzda birge ushqan 73 adamnyń kim ekeni anyqtaldy. Olar baqylaýda. Qaida ekenin bilemiz. Karantinge jatqyzý sharalaryna kiristik. Olar - aýrý adamdar emes», - dedi E. Birtanov.
