Eýroodaqta koronavirýstan vaktsinatsiialaý týraly biryńǵai sertifikat bekitýge nietti. Bul áýeli tek meditsinalyq qujat bolmaq. Bul neni bildiredi jáne ol shengen vizasyn alý úshin mindetti me? Bul týraly dw.com basylymynda jariialanǵan aqparatta aitylǵan, dep habarlaidy "Ult aqparat".
Eýroodaqta SARS-CoV-2 koronavirýsyna qarsy vaktsinalaý týraly biryńǵai sertifikat engizýge kelisti. Bul týraly Eýroodaqqa múshe memleketter men úkimet basshylary beinekonferentsiiasynyń qorytyndysy kezinde Eýrokeńes basshysy Sharl Mishel málim etti.
Ekpe jasatqan adamnyń tólqujaty – týrizm úshin arnaiy shart pa?
Búkil Eýroodaq úshin vaktsinalaý týraly biryńǵai sertifikatty Grekiia eliniń premer-ministri Kiriakos Mitsotakis usynǵan. Onyń úkimeti osyndai qujattyń formasyn daiarlap ta úlgergen. Ol Eýroodaq basshysy Ýrsýla fon Liaienge jazǵan hatynda «Vaktsinalaýdy mindetti etpei, ony saparlar úshin mindetti talap etpesek te, koronavirýsqa qarsy salynǵan ekpeni «keiinge qaldyrýǵa bolmaityn mindet» dep atady.
Grekiiany Eýroodaqtyń týrizmge táýeldi basqa elderi: Ispaniia, Portýgaliia, Malta biraýyzdan qoldady.
19 qańtarda Eýrokomissiia EO elderimen vaktsinalaý týraly sertifikatty daiarlaý jumystaryn júrgizip jatqanyn málimdedi.
EO elderiniń kóshbasshylary virtýaldy sammitte «meditsinalyq maqsattar úshin vaktsinalaýdy» rastaityn standarttalǵan jáne jalpy formany daiarlaityny týraly kelisti, dep atap ótti Eýropalyq keńes basshysy Sharl Mishel. «Al kelesi kezeńderde bul sertifikattardyń basqa maqsattar úshin qoldanyla ala ma, joq pa jáne qandai jaǵdaida ekenin kóretin bolamyz», - dep qosty ol.
