Nur-Sultan qalasy 10 naýryzdan beri epidemologiialyq jaǵdaidy baǵalaý matritsasy boiynsha «qyzyl« aimaqta tur. Bul týraly elorda ákiminiń orynbasary Baqtiiar Máken úkimettik emes uiym ókilderimen ótken «dóńgelek ústelde» aitty, dep habarlaidy "Ult aqparat".
«Qalamyz 2021 jyldyń 10 naýryzynan bastap epidemologiialyq jaǵdaidy baǵalaý matritsasy boiynsha «qyzyl» aimaqta tur. Kúnine koronavirýs infektsiiasynyń 200-500-den astam jaǵdaiy tirkeledi. Qalanyń infektsiialyq statsionarlarynda tósek-oryn júktemesi 58% quraidy», - deidi ákimdik ókili.
Ol sondai-aq, koronavirýs infektsiiasy bar naýqastardyń jaǵdaiy qala basshylyǵynyń turaqty baqylaýynda ekenin atap ótti.
«Koronavirýs infektsiiasyn anyqtaýǵa arnalǵan testileýdi keńinen qamtý turǵyndar arasynda koronovirýspen aýyrǵandardy anyqtaýdy edáýir arttyrdy. Bul emdeýdi ýaqtyly taǵaiyndaýǵa múmkindik berýde», - dedi Baqtiiar Máken.
Onyń aitýynsha, sáýir aiynyń basynan beri elordada 100 myńnan astam adam vaktsina alyp úrgergen.
