Qazaqstanda koronavirýs infektsiiasyn juqtyrǵan 21 naýqas aýyr halde jatyr, dep habarlaidy CORONAVIRUS2020.KZ Telegram kanaly.
«QR juqpaly aýrýlar statsionarlarynda 1034 adam emdelip jatyr. 21 naýqastyń jaǵdaiy aýyr, 169-ynyń densaýlyǵy ortasha aýyr deńgeide, 1 patsient qandy ottegimen qanyqtyrý apparatyna qosylǵan» dep málimdedi QR densaýlyq saqtaý vitse-ministri Lázzat Aqtaeva.
Jaǵdaiy aýyr patsientterdiń ishinde:
9 naýqas ókpeni jasandy jeldetý apparatyna qosylǵan;
6 naýqas ókpeni maskaly jeldetý apparatyna qosylǵan,
7 naýqas ottegini jalǵaý arqyly ózdiginen tynys alyp jatyr.
Júrgizilgen emdeý sharalarynyń nátijesinde 5 naýqas ÓJJ apparatynan óz betimen tynys alýǵa aýystyryldy jáne jaǵdaiy jaqsarǵan 18 patsient reanimatsiiadan beiindi bólimderge aýystyryldy.
