Ótken táýlikte Qazaqstanda koronavirýs juqtyrǵany zerthanada rastalǵan 2 587 naýqas tirkeldi. Aldyńǵy kúnder tárizdi munda da aýyrǵandar sany jóninen eldiń eń iri eki qalasy Almaty men Nur-Sultan kósh bastap tur. Almatyda bir táýlikte 646 adam, al Nur-Sultanda 477 adam Covid juqtyrǵan. Aimaqtar arasynda Qaraǵandyda naýqas kóp. Munda juma kúni koronavirýspen 246 kisi tirkeldi. El boiynsha bir táýlikte 2 333 adam dertinen jazylyp shyqty.
Sóitip, Qazaqstanda resmi statistika boiynsha koronavirýs infektsiiasyn juqtyrǵandar sany 340 239 adamǵa jetti. Byltyrǵy 1 tamyzdan beri bólek sanalyp jatqan "kovidtektes pnevmoniiamen" taǵy 53 519 adam aýyrǵan.
6 mamyrda "kovidtektes pnevmoniiamen" 119 adam tirkeldi. Densaýlyq saqtaý ministrligi mundai naýqastardyń deregin bir kún keshiktirip jariialaidy.
Byltyr jazda Qazaqstanda Covid-19 juqtyrǵany rastalmasa da, túsiniksiz ókpe aýrýyna shaldyqqandar kóbeiip, Dúniejúzilik densaýlyq saqtaý uiymy el úkimetin bul naýqastardy da sanaqqa alýǵa shaqyrǵan. Sodan beri PTR-testi teris bolyp shyqsa da, klinikalyq belgileri negizinde "kovidtektes pnevmoniia" diagnozy qoiylǵan adamdar deregi jinalady, bul halyqaralyq aqparat bazalarynyń kóbinde kórsetilmeidi.
Beisenbi, 6 mamyrda koronavirýs saldarynan 31 adam kóz jumdy, al oǵan uqsas pnevmoniiadan qaitys bolǵandar tirkelmegen. Resmi málimet boiynsha, indet bastalǵaly beri elde koronavirýstan 3 889 adam, oǵan uqsas pnevmoniiadan 829 adam kóz jumǵan.
8 mamyrdaǵy málimet boiynsha, Qazaqstanda qazir 42 695 adam koronavirýs infektsiiasynan jáne "kovidtektes pnevmoniiadan" emdelip jatyr, sonyń ishinde 14 656 patsient statsionarǵa jatqyzylǵan. 803 adamnyń jaǵdaiy aýyr, 174 kisiniń ahýaly óte aýyr, 106 naýqas ókpe jeldetý apparatyna qosylǵan.
Densaýlyq saqtaý ministrliginiń habarlaýynsha, elde koronavirýs vaktsinasynyń birinshi dozasyn 1,66 million adam saldyrǵan. Qazaqstanda Reseide ázirlenip, Qaraǵandyda óndirilip jatqan "Spýtnik V", qazaqstandyq QazVac jáne Qytaidyń Sinopharm kompaniiasynyń BAÁ-de ázirlengen vaktsinasy paidalanylady.
Koronavirýs juqtyrǵandardyń aimaq boiynsha tolyq deregi:
Nur-Sultan qalasy - 477
Almaty qalasy - 646
Shymkent qalasy - 115
Aqmola oblysy - 135
Aqtóbe oblysy - 89
Almaty oblysy - 186
Atyraý oblysy - 82
Shyǵys Qazaqstan oblysy - 94
Jambyl oblysy - 65
Batys Qazaqstan oblysy - 142
Qaraǵandy oblysy - 246
Qostanai oblysy - 24
Qyzylorda oblysy - 33
Mańǵystaý oblysy - 57
Pavlodar oblysy - 127
Soltústik Qazaqstan oblysy - 32
Túrkistan oblysy - 37
Jalpy el boiynsha aýyrǵandar sany 340239.
