Ulybritaniianyń meditsinalyq qyzmetkeri koronavirýs infektsiiasyn juqtyrǵan patsientter kóp bolǵan jaǵdaida birinshi kezekte kimdi qutqarý kerektigi týraly nusqaý aldy, dep habarlaidy QazAqparat The Guardiangazetine silteme jasap.
Britandyq meditsinalyq qaýymdastyq dárigerler úshin nusqaýlyq daiyndady, oǵan sáikes ómir súrý múmkindigi tómen egde adamdarǵa jasandy tynys alý apparatyn berýden bas tartýy múmkin, óitkeni ol apparatty jas jáne densaýlyǵy jaqsy patsientter úshin paidalanady.
Qujatta dárigerler ulttyq densaýlyq saqtaý júiesi patsientter kóp bolǵan kezde olardyń ómirin saqtap qalý úshin intensivti terapiianyń shekteýli resýrstaryna bailanysty aýyr sheshim qabyldaýǵa májbúr bolady dep túsindirilgen.
Birinshi kezekte qart adamdarǵa jáne sozylmaly aýrýlary bar naýqastarǵa qarqyndy terapiiadan bas tartýǵa bolady. Olardyń tizimi kórsetilmegen, basylymnyń boljaýynsha, olar qant diabeti, júrek aýrý, búirek aýrý men sozylmaly ókpe aýrýymen aýyratyn naýqastar.
Aýyr etikalyq dilemmaǵa tap bolǵan Ulybritaniianyń 240 myń dárigerine kómek kórsetýge arnalǵan nusqaýlyqta Densaýlyq saqtaý, kommýnaldyq qyzmetter jáne telekommýnikatsiia siiaqty turmystyq mańyzdy salalarda jumys isteitin patsientter qarqyndy terapiia bólimshelerine ornalastyrý kezinde basymdyqqa ie bolady dep aitylǵan.
Aita keteiik, britandyq Densaýlyq saqtaý jáne áleýmettik qorǵaý ministrliginiń resmi deregine sáikes 1 sáýirdegi jaǵdai boiynsha Ulybritaniiada 29 474 adam koronavirýs juqtyrǵan, onyń 2 352-si qaitys bolǵan.
