AQSh pen Ulybritaniiada pandemiia kezindegi ólim-jitimniń eń joǵary deńgeii tirkeldi. Ýkraina úkimeti Qytai vaktsinasyn satyp alyp, EO-dan dári-dármek jetkizýge kómek surady. Al Eýropanyń ózinde koronavirýstan vaktsinalaý óte baiaý júrýde. Koronavirýs indetine qatysty álemdegi ahýal jóninde VVS agenttigi habarlady.
Djons Hopkins Ýniversitetiniń málimeti boiynsha, pandemiia bastalǵannan beri álemde koronavirýsqa shaldyqqandardyń jalpy sany 91 millionnan asty, 2 millionǵa jýyq adam qaitys boldy.
Ótken táýlikte AQSh-ta ólim-jitimniń kezekti rekordy ornady: seisenbide elde COVID-19-dan 4470 adam qaitys boldy – bul pandemiia kezindegi eń joǵary kórsetkish.
Jappai vaktsinatsiia AQSh-ta jeltoqsan aiynda bastalǵan edi. Biraq ǵalymdardyń aitýynsha, onyń aitarlyqtai nátijelerin tek kóktemde kútýge bolady. Jaqynda bilik budan bylai AQSh-qa kelgenderdiń barlyǵy koronavirýsqa test tapsyrýy kerektigin málimdedi. AQSh naýqastar men qaitys bolǵandar sany boiynsha álemde birinshi orynda – sáikesinshe 22,8 million jáne 380,7 myń adam.
Kórshiles jatqan Kanada da indettiń ekinshi tolqynyn bastan keshýde. Halqy kóp Ontario provintsiiasynyń úkimeti turǵyndarǵa úilerinen sebepsiz shyǵýǵa tyiym saldy. Aimaq gýbernatory densaýlyq saqtaý júiesi barynsha jumys istep jatqanyn aitty.
Ulybritaniiadaǵy rekordtyq ólim-jitim
Ulybritaniiada ólim-jitim rekordty kórsetkishke jetti. Ótken táýlikte elde koronavirýs juqtyrǵan 1564 adam qaitys boldy. Ulybritaniia Premer-ministri Boris Djonson sársenbide ótken brifingte Úkimet jańa shekteýlerge barýǵa daiyn ekenin aitty.
Sonymen birge Shotlandiia úkimeti de qosymsha talaptar engizdi. Jaqyn arada Angliiada da osyndai sharalar engizilýi múmkin.
«Braziliia virýsy»: jańa mýtatsiia – immýnitetke qaýip
Ulttyq juqpaly aýrýlar institýtynyń japon ǵalymdary Braziliiadan kelgen tórt týristiń analizinen SARS-Cov-2 koronavirýsynyń jańa túriniń belgilerin tapty.
Dál osyndai mýtatsiia osynyń aldynda Ulybritaniia men Ońtústik Afrikada anyqtalǵan edi.
DDSU-da COVID-19 pandemiiasymen kúres úshin jaýapty Mariia van Kerkhov barlyq elderdiń biligin qyraǵylyqqa shaqyrdy. Sebebi «braziliialyq shtamm» dep atalǵan jańa mýtatsiiany aýyzdyqtaý qiyn bolýy múmkin.
Vaktsinalar: sapasy men sany kúmán týdyrady
Sársenbide vaktsinatsiia naýqany álemdegi eń kóp qonystanǵan elderdiń biri – Indoneziiada bastaldy. Jergilikti retteýshi Qytaidyń CoronaVac vaktsinasy (Sinovac shyǵarǵan) Braziliiada júrgizilgen sońǵy klinikalyq zertteýde tiimdiliktiń 50% ǵana kórsetkenine (bul kórsetkish Braziliia biliginiń resmi maquldaýyna jetkilikti boldy) qaramastan, ony óz elinde qoldanýǵa ruqsat berdi.
Indoneziia prezidenti Djoko Vidodo vaktsinalaýdan ótken alǵashqy adam boldy. Bul sát jergilikti telearnada tikelei efirde kórsetildi.
Al Eýroodaqtyń quzyrly organdary Oksford ýniversiteti men AstraZeneca kompaniiasy ázirlegen vaktsinany maquldaý rásimine kiristi.
EO elderi ony qoldanýǵa bolatyn sátti asyǵa kútýde. Sebebi Odaqtyń kóp elinde vaktsinalaý ótken jyldyń jeltoqsan aiynda bastalyp ketkenimen, ol kútilgendei tez jáne tiimdi nátije bermei otyr. Al Ulybritaniia biligi AstraZeneca preparatynyń qoldanysyna ruqsat berip qoidy.
Politico saitynyń habarlaýynsha, EO-nyń iri elderinde halyqtyń shamamen 1% vaktsinatsiiadan ótti. Degenmen keibir memleketterde vaktsinalanǵandar sany budan da tómen, mysaly, Frantsiiada ár 100 turǵynǵa ortasha eseppen 0,29 adamnan keledi.
Ýkraina prezidenti Vladimir Zelenskii EO-ǵa vaktsinalar satyp alýǵa kómek surady: ol bul týraly jaqynda sailanǵan Moldova prezidenti Maiia Sandýdyń Kievke sapary kezinde aitty.
Djons Hopkins Ýniversitetiniń málimeti boiynsha, Ýkrainada 1,1 millionnan astam adam koronavirýs juqtyrdy, shamamen 21 myń adam qaitys boldy.
Eýropa: karantin sharalary jeńildetilmeidi
Frantsiia úkimetiniń ǵylymi keńesshileri Ulybritaniiada alǵash ret paida bolǵan koronavirýstyń jańa, áldeqaida juqpaly túrin – «britandyq shtamnyń» taralmaýyna qajetti shekteý sharalaryn engizýge shaqyrdy. Ǵalymdardyń pikirinshe, qazirgi ýaqytta britandyq nusqa –Frantsiiada COVID-19 jańa jaǵdailarynyń 1% qurap otyr.
Germaniia buǵan deiin bilik kútkendei, aqpan aiynyń basynda shekteý sharalaryn alyp tastaý nemese jeńildetý qadamdaryna bara almaidy, dedi sársenbide eldiń densaýlyq saqtaý ministri Iens Shpan.
Onyń aitýynsha, virýsty ustap turý áli de qiyn jáne vaktsinatsiianyń alǵashqy nátijelerin kútý kerek, ol tek eki-úsh aidan keiin bolady.
Robert Koh institýtynyń málimetinshe, sársenbide Germaniiada aýrýdyń 19,6 myń jańa jaǵdaiy anyqtaldy. Ótken táýlikte 1060 adam qaitys boldy.
Qytaida milliondaǵan adam karantinde
37,5 million halqy bar Qytaidyń soltústik-shyǵysyndaǵy Heilýntszian provintsiiasy sársenbide tótenshe jaǵdai jariialady. Provintsiianyń shekaralary jabyldy, onyń shekarasynan tek arnaiy ruqsat boiynsha shyǵýǵa bolady. Ótken aptanyń aiaǵynan bastap tórt qalada qatań karantin engizildi, 28 millionnan astam adamǵa úilerinen shyqpaýǵa nusqaý berildi.
Japoniia osy ýaqytqa deiin Tokio men qala mańynda ǵana kúshinde bolǵan tótenshe jaǵdai rejimin basqa jeti iri aimaqqa da engizedi. Japoniiada ólim-jitim kórsetkishi eń tómen sanalady: pandemiia bastalǵannan beri onda 4100-ge jýyq adam qaitys boldy, bul AQSh-qa qaraǵanda az.
